कांग्रेस नेता बस्नेतको निधन

राजनीति

गृहपृष्ठ
राजनीति
कांग्रेस नेता बस्नेतको निधन

कांग्रेस नेता बस्नेतको निधन

शुक्रबार, वैशाख २९, २०८० बागेश्वरी पोस्ट

नेपालगन्ज । लामो समय जेल जीवन बिताएका नेपाली कांग्रेसका नेता पुरुषोत्तम बस्नेतको निधन भएको छ ।

तत्कालीन संविधान सभा सदस्यसमेत रहेका बस्नेतको आज आफ्नै निवास सिफलमा निधन भएको हो । ७८ वर्षका बस्नेत लामो समयदेखि बिरामी रहेका थिए ।

विसं २००२ मङ्सिर १ गते सोलुखुम्बुको लिखुपिके गाउँपालिकामा जन्मिएका बस्नेतले मुलुकमा लोकतन्त्र स्थापनाका लागि भएका सङ्घर्षका क्रममा पटक पटक गरी नौ वर्ष जेल जीवन बिताएका थिए। उनी अविवाहित थिए ।

विसं २०६२-६३ को दोस्रो जनआन्दोलनपछि पार्टीको आमन्त्रित केन्द्रीय सदस्य रहेका बस्नेत हाल जननायक वीपी कोइराला स्मृति ट्रष्टका कोषाध्यक्ष थिए ।

उनको पार्थिव शरिर आज दिउँसो श्रद्धाञ्जलिका लागि पशुपति क्षेत्रमा राखिने र त्यसपछि अत्येष्टि गरिने ट्रष्टका कार्यकारी निर्देशक राजेन्द्र पराजुलीले जानकारी दिए । बस्नेतले ९ वर्ष जेल जीवन बिताएका थिए।

प्रकाशित मिति: शुक्रबार, वैशाख २९, २०८० ११:२९

प्रतिक्रिया दिनुहोस्