बाटोको काम रोक्न माग गर्दै हाइटेन्सनको पोलमा चढे युवक

समाचार

गृहपृष्ठ
समाचार
बाटोको काम रोक्न माग गर्दै हाइटेन्सनको पोलमा चढे युवक

बाटोको काम रोक्न माग गर्दै हाइटेन्सनको पोलमा चढे युवक

शनिबार, वैशाख ३०, २०८० बागेश्वरी पोस्ट

नेपालगन्ज । मोरङको बुढिगङ्गा गाउँपालिकामा सडक( बाटो )को रिटेनिङ वालको काम रोक्न माग गर्दै एक युवक बिजुलीको हाइटेन्सन लाइनको पोलमा चढेका छन्।

उनी ४ घण्टादेखि हाइटेन्सन लाइनको पोलमा चढेर बसिरहेका छन्।

मोरङको बुढीगंगा गाउँपालिका–७ डंग्राहाका ४० वर्षीय दिनेश कुमार माझी सडकमा निर्माण भइरहेको रिटेनिङ वालको निर्माणको काम गुणस्तरीय नभएको भन्दै रोक्न माग राख्दै १ लाख ३२ हजार भोल्टको प्रसारण लाइनको पोलमा चढेका हुन्।

उनले गाउँपालिका अध्यक्ष जित नारायण थापा मगर र उपाध्यक्ष अमृता कुमारी गच्छदार थारुले आफनो मागलाई वेवास्ता गरे आत्मदाह गर्ने चेतावनी समेत दिएका छन्। उनी शनिवार बिहान ६ बजे चढेको स्थानीयले बताएका छन्।

‘अहिले पनि दुहबीबाट झापाको दमक तिर गएको १ लाख ३२ हजार भोल्टको प्रसारण लाइनमा टावरमा चढेका छन्,’ बुढीगंगा ७ का वडाध्यक्ष पंकज थारु चौधरीले भने, ‘करिब ३० मिटर उचाइमा प्रसारण लाइनको टावरमा रहेका छन्।

‘ती युवालाई उतार्न हामीले पहल र प्रयत्न गरेका छौँ। तर, युवाले मानिरहेको छैन।’ अध्यक्ष र उपाध्यक्ष आएर आफ्नो माग सुनवाइ हुने बातवरण बनाए मात्र उत्रिने बताउँदै आएको उनले बताएका छन्।

वडाध्यक्ष थारुका अनुसार बुढीगंगा ७ वडा कार्यालयदेखि दक्षिण जाने सडकमा रिटेनिङ वाल निर्माणको काम भइरहेको छ। त्यही रिटेनिङ वाल रोक्नुपर्ने ती युवाको माग थियो। सेतोपाटीबाट।

प्रकाशित मिति: शनिबार, वैशाख ३०, २०८० १२:०८

प्रतिक्रिया दिनुहोस्