नवनिर्वाचितलाई ट्रेड युनियन कांग्रेसको बधाईसंगै सम्मान

समाचार

गृहपृष्ठ
समाचार
नवनिर्वाचितलाई ट्रेड युनियन कांग्रेसको बधाईसंगै सम्मान

नवनिर्वाचितलाई ट्रेड युनियन कांग्रेसको बधाईसंगै सम्मान

मंगलबार, माघ १४, २०७६ बागेश्वरी पोस्ट

नेपालगन्ज । नेपाल ट्रेड युनियन काँग्रेस बाँकेले आज नेपाल विद्युत प्राधिकरण कर्मचारी संघ प्रदेश नम्बर ५, नेपाल पशु स्वास्थ्य सेवा प्राविधिक संघ बाँके र नेपालगन्ज उद्योग बाणिज्य संघको निर्वाचनमा निर्वाचित पदाधिकारी एवं सदस्यहरुलाई बधाई दिँदै सम्मान गरेको छ ।

नेपाल ट्रेड युनियन काँग्रेस बाँकेका अध्यक्ष राम बहादुर मल्लको अध्यक्षता एवं नेपाली काँग्रेस बाँकेका सभापति किरण कोइरालाको प्रमुख आतिथ्यतामा भएको कार्यक्रममा नवनिर्वाचितलाई अबिर र खादा लगाएर बधाई दिँदै सम्मान गरिएको थियो । कार्यक्रममा सभापति कोइराला, पार्टी सचिव तप्त पौडेल, नेपाल पत्रकार महासंघका पूर्व महासचिव पोषण केसी, नेपाल ट्रेड युनियन काँग्रेसका केन्द्रिय सदस्य विरेन्द्र बहादुर शाहले नवनिर्वाचितहरुलाई बधाई दिँदै सफल कार्यकालका लागि शुभकामना दिनुभएको थियो ।

ट्रेड युनियन काँग्रेस बाँकेका सचिव तोजिन्द्र विकले संचालन गर्नुभएको कार्यक्रममा नेपाल विद्युत प्राधिकरण कर्मचारी संघ प्रदेश नम्बर ५ का नवनिर्वाचित अध्यक्ष दुर्गा प्रसाद जैसी, नेपालगन्ज उद्योग बाणिज्य संघका नवनिर्वाचित सदस्य टंक प्रसाद शर्मा, नेपाल पशु स्वास्थ्य सेवा प्राविधिक संघ बाँकेका नवनिर्वाचित अध्यक्ष भरत देवकोटाले आफूहरुको कार्यकालमा आ-आफ्नो संगठनमा प्रभावकारी भूमिका खेल्ने बताउनुभएको थियो ।