कांग्रेस सांसद सञ्जय गौतम आमरण अनसनमा

राजनीति

गृहपृष्ठ
राजनीति
कांग्रेस सांसद सञ्जय गौतम आमरण अनसनमा

कांग्रेस सांसद सञ्जय गौतम आमरण अनसनमा

आइतबार, वैशाख ३१, २०८० बागेश्वरी पोस्ट

नेपालगन्ज । सांसद सञ्जय गौतम आमरण अनसनमा बसेका छन् । नेपाली कांग्रेसका केन्द्रीय सदस्य एबम पूर्व सिंचाईमन्त्री समेत रहेका सांसद गौतमले १५ सुत्रीय माग राख्दै शनिबार बेलुकीबाट उनी आमरण अनशनमा बसेका हुन् ।

उनले आफूले प्रतिनिधि सभाको बैठकमै पटक पटक जनताका माग राखेको भए पनि सरकारले नसुनेपछि बाध्य भएर आमरण अनसनमा बसेको बताएका छन् । उनले संसद बैठकमै पनि आफूहरुका मागको सुनुवाइ नहुने हो भने शून्य समयको के अर्थ ? भन्दै प्रश्न गरेका थिए ।

उनले संसदमै बबई नदीको जब्दीघाटमा नयाँ पुल निर्माण, भासिएको पुलको स्पान हटाउनुपर्ने, बबई नदी तटबन्ध र बबई सिंचाई आयोजनामा बजेट कटौतीले चुनौती थपिएको लगायतका माग राख्दै आएका थिए ।

पुल भासिएको ६ वर्ष बितिसक्दा पनि निर्माण गर्न सरकार पछि हटेको भन्दै पुल नहुँदा गुलरिया र बारबर्दिया नगरपालिकाका करिब एक लाख बासिन्दा प्रभावित भएको उनको भनाइ छ ।

पप्पु कन्स्ट्रसनले निर्माण गरेको पुल २०७९ साल असोज २० गते आएको बाढीले बगाएको थियो। पुल बगाएपछि पूर्व–पश्चिम राजमार्ग जोड्ने गुलरिया—रम्मापुर सडक खण्डमा सवारी साधन आउजाउ बन्द छ ।

प्रतिनिधि सभा सदस्य गौतमसँगै प्रदेश सभा सदस्य भुवनेश्वर चौधरी सँगसँगै आमरण अनशनमा बसेका हुन् । सांसद गौतमले जनताका काम गर्न नपाएर आफूहरु निराश हुन परिरहेको बताएका छन् ।

प्रकाशित मिति: आइतबार, वैशाख ३१, २०८० १०:०५

प्रतिक्रिया दिनुहोस्