दार्चुला जाँदै गरेको नेपालगन्ज मेडिकल कलेजको बस दुर्घटना हुँदा ६ जना घाइते

स्वास्थ्य

गृहपृष्ठ
स्वास्थ्य
दार्चुला जाँदै गरेको नेपालगन्ज मेडिकल कलेजको बस दुर्घटना हुँदा ६ जना घाइते

दार्चुला जाँदै गरेको नेपालगन्ज मेडिकल कलेजको बस दुर्घटना हुँदा ६ जना घाइते

मंगलबार, जेठ २, २०८० बागेश्वरी पोस्ट

नेपालगन्ज । नेपालगन्ज मेडिकल कलेजको बस दुर्घटना हुँदा ६ जना घाइते भएका छन् ।

कोहलपुरबाट शिविरका लागि गएको भे १ क ३१८ नम्बरको बस डडेलधुरा र बैतडीको सिमामा पर्ने अनारखोलीमा गएराती पौने ९ बजे दुर्घटनामा भएको हो ।

दुर्घटनामा ६ जना घाइते भएका छन् । दार्चुलाको गोकुलेश्वरमा आयोजना गरिएको स्वास्थ्य शिबिरका लागि मेडिकल कलेज कोहलपुरका स्त्री रोग विशेषज्ञ डा. बिनोद महासेठको नेतृत्वमा नर्सिङसटाफ र प्राबिधिक सहितको २४ जनाको टोली हिजो दार्चुलाका लागि हिंडेको थियो ।

अस्पतालका सामाजिक सेव इकाइ उप-प्रमुख अब्दुल हुसेन खाका अनुसार घाइतेहरुको डडेलधुरा अस्पतालमा उपचार भैरहेको छ । उनीहरु सबैको स्वास्थ्य अबस्था खतरामुक्त रहेको पनि उनले जानकारी दिए ।

दुर्घटनामा दुई जनालाई अलि गहिरो चोट छ भने अरु सबैको अबस्था सामान्य रहेको छ । बसको ब्रेक फेल भएर दुर्घटनामा परेको बताइएको छ ।

प्रकाशित मिति: मंगलबार, जेठ २, २०८० ०९:२७

प्रतिक्रिया दिनुहोस्