नागरिकताको अधिकार तथा फैसला कार्यान्वयनको अवस्थाबारे अन्तरक्रिया

समाचार

गृहपृष्ठ
समाचार
नागरिकताको अधिकार तथा फैसला कार्यान्वयनको अवस्थाबारे अन्तरक्रिया

नागरिकताको अधिकार तथा फैसला कार्यान्वयनको अवस्थाबारे अन्तरक्रिया

मंगलबार, जेठ २, २०८० बागेश्वरी पोस्ट

नेपालगञ्ज । नागरिकताको अधिकार तथा नागरिकता सम्बन्धि मुद्दामा फैसला कार्यान्वयनको अवस्थाबारे आज नेपालगञ्जमा अन्तरक्रिया गरिएको छ । महिला, कानुन र विकास मञ्जको आयोजनामा अन्तरक्रिया गरिएको हो ।

अन्तरक्रिया कार्यक्रममा बोल्दै महिला, कानुन र विकास मञ्चका कार्यकारी निर्देशक सविन श्रेष्ठले संविधानले कुनै पनि नागरिकलाई नागरिकताबाट बञ्चित नगर्ने सुनिश्चितता गरेपनि संविधान बनेको ७ बर्ष वित्दा समेत कार्यान्वयन नभएको बताए । उनले अदालतले गरेका फैसला समेत कार्यान्वयन नभइरहेको बताए । नागरिकलाई अनागरिक बनाउने काम भइरहेको भन्दै श्रेष्ठले संविधान पालनामा गम्भीर भूल भइरहेको टिप्पणी गरे ।

बरिष्ठ अधिवक्ता सुनिलकुमार श्रेष्ठले कानुनी अड्चन देखाएर नागरिकता प्राप्तिलाई जटिल बनाइरहेको बताए । स्थानीय प्रशासनले संविधान र कानुनको भावना विपरीत नागरिकताका विषयमा अनुदार व्यवहार देखाइरहेको श्रेष्ठको भनाई छ । नागरिकता अधिकार सबै अधिकारहरुको आधार भएको भन्दै उनले यसमा राज्य गम्भीर बन्नुपर्ने बताए । उनले पितृसत्तात्मक सोचका कारण पनि धेरै समस्याहरु झेल्नुपरेको उल्लेख गरे ।

अधिवक्ता विश्वजित तिवारीले अदालतले संविधान अनुसार आदेश गर्ने भएकाले अदालतका फैसला कार्यान्वयनमा गम्भीर बन्नुपर्ने बताए । उनले कसैलाई पनि अनागरिक बनाउने कुरा संविधानले परिकल्पना नगरेको भन्दै संविधानको पालना गर्नु सबैको दायित्व भएको बताए ।

प्रकाशित मिति: मंगलबार, जेठ २, २०८० २१:२८

प्रतिक्रिया दिनुहोस्