नेकपा एसले बाँकेमा सम्झियो मदन-आश्रितलाई

राजनीति

गृहपृष्ठ
राजनीति
नेकपा एसले बाँकेमा सम्झियो मदन-आश्रितलाई

नेकपा एसले बाँकेमा सम्झियो मदन-आश्रितलाई

बुधबार, जेठ ३, २०८० बागेश्वरी पोस्ट

कोहलपुर । नेकपा एकीकृत समाजवादी (एस) कोहलपुर नगर कमिटीले ३०औं मदन-आश्रित स्मृति दिवसको अवसर पारेर मदन-आश्रितले नेपाली कम्युनिष्ट आन्दोलनमा पुर्‍याएको योगदानका बारेमा अन्तरक्रिया गरेको छ ।

कार्यक्रममा नेकपा एकीकृत समाजवादीका केन्द्रीय सदस्य तथा बाँके इन्चार्ज अशोक कोइरालाले मदन भण्डारीले टुक्राटुक्रा, झुन्ड, विचार समूहमा विभक्त रहेका कम्युनिष्ट घटकहरुलाई सांगठनिक, बैचारिकरुपमा एक गराएको, पार्टीलाई नीति, विधिमा चलाउने परिपाटी विकास गरेको, पार्टी कार्यकर्ता, नेता सबैमा अनुशासन र सदगी जीवनशैली अपनाउन सिकाएकाले नै कम्युनिष्ट आन्दोलन बलियो भएको बताए । तर, अहिले कम्युनिष्ट पार्टीमा व्यक्तिको देवत्वकरण गर्ने, पार्टी विचार, सिद्धान्त, अनुशासनबाट विचलित हुँदा कम्युनिष्ट आन्दोलन नै कमजोर भएको कोइरालाले बताए । उनले मदन-आश्रितले देखाएको नेपाली कम्युनिष्ट आन्दोलनको बाटोलाइ अझ परिस्कृत गर्दै अगाडि बढ्नुपर्ने बताए ।

तत्कालीन नेकपा एमालेका महासचिव भण्डारी तथा पार्टी संगठन विभाग प्रमुख जिवराज आश्रितको २०५० साल जेठ ३ गते दासढङ्गा गाडी दुर्घटनामा निधन भएको थियो । सोही दिनको सम्झनामा स्मृति दिवस मनाइएको हो । कार्यक्रममा नेकपा एकीकृत समाजवादीका लुम्बिनी प्रदेश सदस्य रामकृष्ण विक, केशकुमारी भुसाल, जिल्ला कमिटी सचिवालय सदस्य नारायणी वली, प्रेमिका शाही, मञ्जु कोइराला लगायत नगर कमिटी पदाधिकारी, सदस्य लगायतको उपस्थित रहेको थियो । नगर अध्यक्ष शिव डाँगीको अध्यक्षतामा भएको कार्यक्रमको सञ्चालन नगर सचिव तेजप्रसाद अधिकारीले गरेको नेकपा एकीकृत समाजावादी बाँके प्रचार विभाग उपप्रमुख लोकनाथ शर्माले जानकारी दिए ।

प्रकाशित मिति: बुधबार, जेठ ३, २०८० १२:२६

प्रतिक्रिया दिनुहोस्