जनकपुरबाट काठमाडौं उड्न लागेको बुद्ध एयरको जहाजमा मुसा भेटियो, उडान स्थगित

समाचार

गृहपृष्ठ
समाचार
जनकपुरबाट काठमाडौं उड्न लागेको बुद्ध एयरको जहाजमा मुसा भेटियो, उडान स्थगित

जनकपुरबाट काठमाडौं उड्न लागेको बुद्ध एयरको जहाजमा मुसा भेटियो, उडान स्थगित

शनिबार, जेठ ६, २०८० बागेश्वरी पोस्ट

नेपालगन्ज । उडान भर्न तयार रहेको बुद्ध एयरको जहाजमा मुसा देखिएपछि उक्त उडान रद्द गरिएको छ ।

आज बिहान सवा ९ बजे जनकपुरबाट काठमाडौं उड्न लागेको बुद्ध एयरको जहाजमा यात्रुले मुसा देखेपछि उडान स्थगित गरिएको नेपाल नागरिक उड्डयन प्राधिकरणले जानकारी दिएको छ ।

उक्त जहाजमा ४९ जना यात्रुले बोर्डिङ गरेका थिए ।

उक्त जहाजले आज बिहान साढे ८ बजे काठमाडौंबाट जनकपुरमा अवतरण गरेको थियो ।

बुद्ध एयरको उक्त जहाजमा मुसा देखिएपछि काठमाडौंबाट इन्जिनियरको टोली जनकपुर जाँदै छन् ।

उक्त जहाजलाई त्यहीँ ग्राउन्डेड गरेर यात्रुहरुलाई अर्को जहाजमा काठमाडौं लगिने प्राधिकरणले जनाएको छ।

इन्जिनियरहरूले जहाजको परीक्षण गरेपछि मात्रै उडान गरिने समेत बताईएको छ ।

प्रकाशित मिति: शनिबार, जेठ ६, २०८० ११:५३

प्रतिक्रिया दिनुहोस्