सुदूरपश्चिम सरकारमा मन्त्रिपरिषद विस्तार

राजनीति

गृहपृष्ठ
राजनीति
सुदूरपश्चिम सरकारमा मन्त्रिपरिषद विस्तार

सुदूरपश्चिम सरकारमा मन्त्रिपरिषद विस्तार

शनिबार, जेठ ६, २०८० बागेश्वरी पोस्ट

नेपालगन्ज । सुदूरपश्चिम प्रदेश सरकारमा मन्त्रिपरिषद विस्तार भएको छ । त्यहाका मुख्यमन्त्री कमलबहादुर शाहले आज मन्त्रिपरिषद विस्तार गरेका हुन् । नेपाली कांग्रेस र नेकपा माओवादी केन्द्रका नेताहरूलाई सहभागी गराएर शाहले मन्त्रिपरिषद विस्तार गरेका हुन् ।

नेपाली कांग्रेसबाट बझाङका पृथ्वीबहादुर सिंह आन्तरिक मामिला तथा कानुन मन्त्री बनेका छन् । आज बसेको कांग्रेसको सुदूरपश्चिम संसदीय दलको बैठकले सिंहलाई मन्त्री बनाउने निर्णय गरेको थियो ।

माओवादी केन्द्रबाट झपट साउद र रमेश धामी मन्त्री बनेका छन् भने गीतादेवी माल राज्यन्त्री बनेकी छिन् । साउद सामाजिक विकास मन्त्री र धामी उद्योग, पर्यटन, वन तथा वातावरण मन्त्री बनेका छन् । गीतादेवी माल उद्योग, पर्यटन, वन तथा वातावरण राज्यमन्त्री बनेकी छन् ।

२०७९ को माघ २६ गते मुख्यमन्त्री नियुक्त भएका शाहले नेपाली कांग्रेसका भोलिपल्टै कांग्रेसका प्रकाशबहादुर देउवा र नेकपा एकीकृत समाजवादीका नरेश शाहीलाई मन्त्री नियुक्त गरेका थिए । देउवाले भौतिक पूर्वाधार र शाहीले आर्थिक मामिला मन्त्रालयको जिम्मा पाएका छन् । त्यसपछि मन्त्रिपरिषद विस्तार गर्न सकेका थिएनन् ।

सुदूरपश्चिम प्रदेश सरकारमा सहभागी हुने दल नागरिक उन्मुक्ति पार्टीले भने मन्त्रीका लागि नाम दिएको छैन । उक्त पार्टीका प्रवक्ता दामोदर पण्डितले आफूहरूले दुई वटा मन्त्रालय पाउनुपर्ने माग गर्दै आएका छन् ।

प्रकाशित मिति: शनिबार, जेठ ६, २०८० १८:०८