११ बुँदे सहमतिपछि सांसद गौतमले तोडे अनशन

राजनीति

गृहपृष्ठ
राजनीति
११ बुँदे सहमतिपछि सांसद गौतमले तोडे अनशन

११ बुँदे सहमतिपछि सांसद गौतमले तोडे अनशन

शनिबार, जेठ ६, २०८० बागेश्वरी पोस्ट

नेपालगन्ज । बर्दियामा आमरण अनशन बसिरहेका प्रतिनिधिसभा सदस्य सञ्जयकुमार गौतमले आज अनशन तोडेका छन् ।

विगत ८ दिनदेखि जिल्लाको बारबर्दिया र गुलरिया जोड्ने जब्दीघाट पुलमुनि अनशन बसेका कांग्रेस केन्द्रीय सदस्य समेत रहेका प्रतिनिधिसभा सदस्य गौतमले भौतिक पूर्वाधार तथा यातायात मन्त्री प्रकाश ज्वालासँग ११ बुँदे सहमति भएपछि आमरण अनशन तोडेका हुन् ।

गौतमले अनशन तोडेपनि स्वास्थ्य अवस्था कमजोर भएका कारण जिल्ला अस्पताल बर्दियामा भर्ना भएको बर्दियाबाट पत्रकार यमनाथ घिमिरेले जानकारी दिएका छन् ।

गौतम पुल निर्माण हुनुपर्ने सहितका विभिन्न १५ बुँदे माग राखेर ३० वैशाखमा जब्दीघाटको भत्किएको पुलमुनि अनशन बसेका थिए ।

प्रकाशित मिति: शनिबार, जेठ ६, २०८० २०:०७