ठेकेदारले खनेको खाल्डोमा डुबेर नरैनापुरको सुइयामा बालकको ज्यान गयो

समाचार

गृहपृष्ठ
समाचार
ठेकेदारले खनेको खाल्डोमा डुबेर नरैनापुरको सुइयामा बालकको ज्यान गयो

ठेकेदारले खनेको खाल्डोमा डुबेर नरैनापुरको सुइयामा बालकको ज्यान गयो

बुधबार, माघ १५, २०७६ बागेश्वरी पोस्ट

सांंकेतिक तस्बिर

नरैनापुर(बाँके) । बाँकेको नरैनापुर गाउँपालिका वडा नम्बर १ सुइयामा खाल्डोमा डुबेर बालकको मृत्युु भएको छ ।

हुलाकी सडक निर्माणका क्रममा माटोका लागि खनिएको खाल्डोमा डुबेर स्थानीय मक्दुल खाँका अढाई वर्षीय छोरा इसरार खाँको आज दिउँसो मृत्यु भएको गाउँपालिकाका अध्यक्ष इस्तियाक अहमद शाहले बताउनुभयो ।

अध्यक्ष शाहका अनुसार सडक निर्माणका क्रममा जथाभावी खनेर छोडिएका खाडलमा डुबेर यसअघि पनि नरैनापुर गाउँपालिकामा दुई बालकको मृत्युु भइसकेको छ ।

ठेकेदार कम्पनीको लापरबाहीका कारण वडा नम्बर २ लक्ष्मणपुर र वडा नम्बर ६ गंगापुरमा दुई बालकले ज्यान गुमाउनुपरेको उहाँले बताउनुभयो। मृतक बालकलाई पोष्टमार्टमका लागि भेरी अस्पताल नेपालगन्ज ल्याइएको छ ।

प्रकाशित मिति: बुधबार, माघ १५, २०७६ २०:०९

प्रतिक्रिया दिनुहोस्