नेपालगञ्जको रेसुङ्गा फर्निचर सेन्टरमा आगलागी, डेढ करोड क्षती

राजनीति

गृहपृष्ठ
राजनीति
नेपालगञ्जको रेसुङ्गा फर्निचर सेन्टरमा आगलागी, डेढ करोड क्षती

नेपालगञ्जको रेसुङ्गा फर्निचर सेन्टरमा आगलागी, डेढ करोड क्षती

शनिबार, जेठ १३, २०८० बागेश्वरी पोस्ट

नेपालगञ्ज । नेपालगञ्जको कारकाँदोमा रहेको एक फर्निचर पसलमा आगलागी भएको छ । वडा नम्बर १८ स्थित रेसुंगा फर्निचर सेन्टरमा आगलागी हुँदा करोड बढीको क्षती भएको छ ।

पोषणनाथ नेपालको दुई तले पक्की घरको भुँइँ तलामा रहेको माधव पोख्रेलको रेसुङ्गा फर्निचर सेन्टरमा विद्युतको तार सट भई आगलागी भएको बाँके प्रहरीले जनाएको छ । प्रहरी, स्थानीय र दमकलको सहयोगमा आगो नियन्त्रणमा आएको थियो । आगलागीबाट उक्त सेन्टमा रहेका टेबुल, कुर्ची, खटिया, दराज, सोफा, पि-फम लगायत फर्निचरका सम्पूर्ण सामानहरु जलेर नष्ट भएको छ ।

घरमा पनि आंशिक क्षती भएको प्रहरीले जनाएको छ । मानवीय क्षती नभएपनि आगो निभाउने क्रममा पसलमा काम गर्ने २८ बर्षीय अञ्जन थापाको अनुहार र खुट्टामा आगोले पोलेको छ । उनको नेपालगञ्ज मेडिकल कलेजमा उपचार भइरहेको छ । आगलागीबाट १ करोड ६० लाख बराबर क्षति भएको पसल सञ्चाल पोख्रेलको दाबी छ ।

एक अध्ययनका अनुसार वाइरिंगका कमसल सामग्रीको प्रयोग र दक्ष जनशक्तिबाट वाइरिंग नगराउँदा आगलागीको जोखिम बढी छ । आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवालीले वाइरिंगबारे सचेतना जरुरी रहेको बताए । सामान्य गल्तीले ठूलो क्षती व्यहोर्नुपर्ने अवस्था आउन नदिन सबै सचेत हुनुपर्ने उनको भनाई छ ।

प्रकाशित मिति: शनिबार, जेठ १३, २०८० २१:१९

प्रतिक्रिया दिनुहोस्