नेपालगञ्ज परस्पुरमा संस्कृत समेत पढाउने संस्कार विद्या निकेतन खुल्यो

समाचार

गृहपृष्ठ
समाचार
नेपालगञ्ज परस्पुरमा संस्कृत समेत पढाउने संस्कार विद्या निकेतन खुल्यो

नेपालगञ्ज परस्पुरमा संस्कृत समेत पढाउने संस्कार विद्या निकेतन खुल्यो

बिहीबार, माघ १६, २०७६ बागेश्वरी पोस्ट

नेपालगञ्ज। नेपालगञ्जको परस्पुरमा संस्कार विद्या निकेतन सञ्चालनमा आएको छ ।

विद्यालयको आज सरस्वति पूजाको दिन पारेर नेपालगञ्ज उपमहानगरपालिका वडा नम्बर १७ का वडा अध्यक्ष अजय कुमार पाठकले उद्घाटन गर्नुभयो । वडा अध्यक्ष पाठकले थुप्रै विद्यालयहरुको भीडमा संस्कार निकेतन एक पृथक र सफल विद्यालयको रुपमा परिचित हुने विश्वास ब्यक्त गर्नुभयो ।

विद्यार्थीहरुलाई संस्कार सहितको शिक्षा प्रदान गर्ने उद्देश्यले सञ्चालन गरिएको विद्यालयमा शुरुको बर्ष नर्सरीदेखि कक्षा १ सम्म पढाई हुने संस्थापक कृष्णादेवी पाण्डेले बताउनुभयो । विद्यायलयमा संस्कृत विषय समेत पढाइने बताउँदै पाण्डेले प्रत्येक बर्ष कक्षा बढाउँदै लगिने जानकारी दिनुभयो ।

संस्थापक प्रेम शर्माले विद्यालयमा योग, ध्यान, व्यायाम, प्रणायम समेत सिकाउने बताउनुभयो । उद्घाटन कार्यक्रममा नेपालगञ्ज उपमहानगरपालिका वडा नम्बर २ का अध्यक्ष सुनिलसिंह हमाल, ८ का अध्यक्ष सुरेन्द्र प्रसाद गुप्ता लगायतले शुभकामना मन्तब्य व्यक्त गर्नुभएको थियो ।

आज भर्ना भएका विद्यार्थीलाई निःशुल्क नाम लेखाइदिएर किताब समेत प्रदान गरिएको प्रिन्सिपल सुचिता अर्यालले जानकारी दिनुभयो ।

प्रकाशित मिति: बिहीबार, माघ १६, २०७६ १५:२९

प्रतिक्रिया दिनुहोस्