पाल्पा जीप दुर्घटनामा मृत्यु हुनेको संख्या ५ पुग्यो

समाचार

गृहपृष्ठ
समाचार
पाल्पा जीप दुर्घटनामा मृत्यु हुनेको संख्या ५ पुग्यो

पाल्पा जीप दुर्घटनामा मृत्यु हुनेको संख्या ५ पुग्यो

सोमबार, जेठ २२, २०८० बागेश्वरी पोस्ट

नेपालगन्ज । पाल्पा जीप दुर्घटनामा मृत्यु हुनेको संख्या ५ पुगेको छ ।

आइतबार पाल्पाको रैनादेवी छहरा ८ सत्यवतीस्थित केवरेडाँडामा भएको जिप दुर्घटनामा अस्पतालमा उपचाररत दुई जनाको मृत्यु भएपछि मृतकको संख्या ५ पुगेको प्रहरीले जनाएको छ । दुर्घटनामा एक जना वडा सदस्यको पनि मृत्यु भएको छ ।

प्रहरीका अनुसार अर्घाखाँचीको पाणिनी गाउँपालिका २ का २ वर्षीय बालक संयोग गौतमको लुम्बिनी प्रादेशिक अस्पताल बुटवलमा र पाणिनी १ का ४४ वर्षीय विजय पोखरेलको बुटवलको चौराह अस्पतालमा उपचारका क्रममा मृत्यु भएको हो । पोखरेल सोही वडाका वडा सदस्य हुन् ।

आइतबार घटनास्थलमा मृत्यु हुनेहरुमा अर्घाखाँचीको पाणिनी १ की ५५ वर्षीया श्यामकला परियार, सोही स्थानका २६ वर्षीय चालक रमेश विक, पाणिनी २ पोखराथोककी २५ वर्षीया सीता गौतम रहेको प्रहरीले जानकारी दिएको छ । २ वर्षीय संयोग मृतक सीताका छोरा हुन् ।

आइतबार साँझ ५ बजे रुपन्देहीको सालझण्डीदेखि अर्घाखाँचीतर्फ गइरहेको लु१च ९०२४ नम्बरको जिप दुर्घटना भएको थियो ।

प्रहरीका अनुसार दुर्घटनामा १० जना घाइते छन् । घाइतेहरुमध्ये केहीको अवस्था गम्भीर छ ।

प्रकाशित मिति: सोमबार, जेठ २२, २०८० १०:१३

प्रतिक्रिया दिनुहोस्