गृहसचिव राईद्वारा राजीनामा !

समाचार

गृहपृष्ठ
समाचार
गृहसचिव राईद्वारा राजीनामा !

गृहसचिव राईद्वारा राजीनामा !

शुक्रबार, माघ १७, २०७६ बागेश्वरी पोस्ट

काठमाडौं । आगामी साता अनिवार्य अवकाश पाउन लागेका गृहसचिव प्रेमकुमार राईले राजीनामा दिएका छन् ।

माघ २२ गतेदेखि अनिवार्य अवकाश पाउन लागेका राईले माघ २० गतेदेखि लागू हुने गरी राजीनामा दिएका गृह मन्त्रालय स्रोतले जानकारी दियो । उनले मुख्यसचिव लोकदर्शन रेग्मी समक्ष राजीनामा पेश गरेका हुन् ।

२०४९ साल अगाडि निजामती सेवामा प्रवेश गरेका कर्मचारीले राजीनामा दिँदा पेन्सन बढ्ने भएकाले राईले २ दिन अगावै राजीनामा गरेको स्रोतले बतायो । गृह मन्त्रालयमा लामो समय काम गरेका राई निर्विवाद सचिवको रुपमा बाहिरिन लागेका हुन् ।

राईसँगै अर्थ मन्त्रालयका सचिव राजन खनाल तथा सचिवहरू गजेन्द्र ठाकुर र रामकुमार आचार्यले पनि माघ २२ गते अवकाश पाउँदैछन् ।

प्रकाशित मिति: शुक्रबार, माघ १७, २०७६ ११:२९

प्रतिक्रिया दिनुहोस्