सशस्त्र प्रहरीले निकाल्यो सुनकोशीमा खसेको गाडीसहित दुई वटा शव

समाचार

गृहपृष्ठ
समाचार
सशस्त्र प्रहरीले निकाल्यो सुनकोशीमा खसेको गाडीसहित दुई वटा शव

सशस्त्र प्रहरीले निकाल्यो सुनकोशीमा खसेको गाडीसहित दुई वटा शव

मंगलबार, जेठ २३, २०८० बागेश्वरी पोस्ट

नेपालगन्ज । सुनकोशीमा खसेको सीटीईभीटीका कर्मचारी सवार स्कोर्पियो गाडीसहित दुई वटा शव पाँचौं दिन फेला परेको छ ।

गत शुक्रबार दिउँसो सीटीईभीटीका दुई निर्देशक र अधिकृत चढेको बी एबी ७४६७ नम्बरको स्कोर्पियो गाडी मध्यपहाडी लोकमार्गको खुर्कोट–घुर्मी खण्ड अन्तर्गत गोलन्जोर गाउँपालिका ७ को लौकुनबाट सुनकोशी खसेको थियो ।

त्यति बेला सुनकोशीबाट चालक कृष्ण चौधरी पौडी खेलेर निस्किन सफल भएका थिए । उनी सामान्य घाइते भएका थिए ।

गत शुक्रबार भक्तपुरबाट खोटाङतर्फ जाँदै गरेका प्रशासन शाखाका निर्देशक तनहुँ भानु ९ का ५७ वर्षीय कृष्ण केसी, पूर्वी नवलपरासीको प्रगति ७ घर भएका योजना महाशाखा निर्देशक ५६ वर्षीय यमप्रसाद भुर्तेल र इलामका ३२ वर्षीय विद्युत प्राविधिक भानु पौडेल सवार गाडी सुनकोशीमा खसेको थियो ।

आज सुनकोशीबाट सशस्त्र प्रहरी बल विपत व्यवस्थापन तालिम केन्द्र कुरिनटारबाट गएको गोताखोरको टोलीले गाडी र दुई वटा शव फेला पारेको प्रहरीले जानकारी दिएको छ ।

प्रकाशित मिति: मंगलबार, जेठ २३, २०८० १९:१६

प्रतिक्रिया दिनुहोस्