सङ्खुवासभामा आएको बाढीमा एक जनाको मृत्यु, १६ मजदुर बेपत्ता

समाचार

गृहपृष्ठ
समाचार
सङ्खुवासभामा आएको बाढीमा एक जनाको मृत्यु, १६ मजदुर बेपत्ता

सङ्खुवासभामा आएको बाढीमा एक जनाको मृत्यु, १६ मजदुर बेपत्ता

आइतबार, असार ३, २०८० बागेश्वरी पोस्ट

फाइल फोटो

नेपालगन्ज । सङ्खुवासभामा आएको बाढीले बितन्डा मच्चाएको छ । त्यहाँ अवस्थित हेवा खोलामा गएराति आएको बाढीले ७ घर बगाएको छ ।

अविरल वर्षासँगै आएको बाढीले हेवाखोला किनारका ७ घर बगाएको जिल्ला प्रहरी कार्यालय सङ्खुवासभाले जनाएको छ ।

वर्षासँगै आएको बाढीले सुपर हेवाखोला हाइड्रोपावरमा काम गर्ने १६ मजदूर बेपत्ता भएको जिल्ला प्रहरी कार्यालयका प्रहरी प्रमुख प्रहरी नायब उपरीक्षक वीरेन्द्र गोदारले जानकारी दिए ।

बाढीले बगाएका अप्पर हेवाखोला हाइड्रोपावरमा काम गर्ने एक मजदूरको शव पाँचखपन नगरपालिका–५ खोला किनारमा फेला परेको प्रहरीले जनाएको छ ।

प्रहरी प्रमुख गोदारका अनुसार शवको पहिचान हुन बाँकी छ । बाढीले चैनपुर–४ मा निर्माण भइरहेको सुपर हेवा हाइड्रोमा पूर्णरूपले क्षति पुगेको छ । बाढीले पाँचखपन र चैनपुर जोड्ने निर्माणाधीन मोटरेबल पुलमा क्षति पुर्याएको छ ।

घटनाको जानकारी लिन प्रमुख जिल्ला अधिकारी शिवकुमार कार्की, सुरक्षा निकायका प्रमुखको टोली घटनास्थलतर्फ गएका छन् ।

घटनास्थलमा इलाका प्रहरी कार्यालय चैनपुर र सशस्त्र प्रहरीको टोली खटिएका छन् ।

प्रकाशित मिति: आइतबार, असार ३, २०८० १०:०९

प्रतिक्रिया दिनुहोस्