शिवशक्ति सहकारीका संचालक र सदस्यलाई तालिम

समाचार

गृहपृष्ठ
समाचार
शिवशक्ति सहकारीका संचालक र सदस्यलाई तालिम

शिवशक्ति सहकारीका संचालक र सदस्यलाई तालिम

आइतबार, असार ३, २०८० बागेश्वरी पोस्ट

दाङ । तुलसीपुर-७ मा रहेको शिवशक्ति बहुउद्देश्यीय सहकारी संस्थाले संचालक तथा शेयर सदस्यलाई कृषि, बिमा र वित्तिय साक्षरता सम्बन्धि तालिम प्रदान गरेको छ । सहकारीले शनिबार तुलसीपुरमा एक दिने तालिमको आयोजना गरी तालिम प्रदान गरेको हो ।

सहकारी संस्थाका अध्यक्ष ऋषिराम पोखरेलको अध्यक्षता तथा तुलसीपुर-७ का वडा अध्यक्ष रामबहादुर जिसीको प्रमुख आतिथ्यतामा तालिमको उद्घाटन कार्यक्रम भएको हो । त्यस अवसरमा वडा अध्यक्ष जिसीले आर्थिक विकासको आधार सहकारी रहेको बताए । उनले सहकारीका आवद्ध नागरिकलाई उत्पादनमूलक क्षेत्रमा जोड्न सकेपछि थोरै भएपनि बेरोजगारी समस्या समाधान हुने बताए ।

यस्तै समाजसेवी प्रेमप्रसाद खनालले सहकारी राज्यको तीन खम्बे अर्थनीतिमा रहेकाले राज्यले पनि सहकारीको प्रर्वद्धनमा जोड दिनुपर्ने बताए । उनले सहकारीका सदस्यलाई आर्थिक विकाससंग जोड्न सहकारीको महत्वपूर्ण भूमिका हुने बताए ।

अर्का समाजसेवी श्रवणकुमार आचार्यले सहकारीले शेयर सदस्यलाई तालिम प्रदान गरेर सक्रिय बनाउनुपर्ने बताए । तालिममा सहकारी संस्थाका संचालक र शेयर सदस्य गरी ४७ जनाको सहभागीता रहेको थियो । तालिमको प्रशिक्षकमा राष्ट्रिय सहकारी बैंक तुलसीपुर शाखा प्रवन्धक अजय रोकाले वित्तिय साक्षरता सम्बन्धि तालिम प्रदान गरेका थिए ।

यस्तै कृषि सम्बन्धि तुलसीपुर उपमहानगरपालिकाका कृषि शाखाका कृषि अधिकृत शंकर न्यौपाने, बिमा सम्बन्धि सिटीजन लाइफ इन्श्योरेन्स तुलसीपुर शाखा प्रमुख सुजन शाहले तालिम प्रदान गरेको सहकारीले जनाएको छ । कार्यक्रमको सहजीकरण सदस्य युवराज पौडेलले गरेका थिए ।

प्रकाशित मिति: आइतबार, असार ३, २०८० २१:३३

प्रतिक्रिया दिनुहोस्