शनिबारदेखि आएको बाढी-पहिरोबाट हालसम्म १० को मृत्यु, २६ जना बेपत्ता

समाचार

गृहपृष्ठ
समाचार
शनिबारदेखि आएको बाढी-पहिरोबाट हालसम्म १० को मृत्यु, २६ जना बेपत्ता

शनिबारदेखि आएको बाढी-पहिरोबाट हालसम्म १० को मृत्यु, २६ जना बेपत्ता

मंगलबार, असार ५, २०८० बागेश्वरी पोस्ट

नेपालगन्ज । गत शनिबारदेखि हालसम्म १० जनाको मृत्यु भएको छ भने २६ जना बेपत्ता भएका छन् ।

उपप्रधान तथा गृहमन्त्री नारायणकाजी श्रेष्ठले आएको बाढी र पहिरोबाट भएका क्षतिबारे प्रतिनिधि सभालाई आज जानकारी दिएका छन् ।

मंगलबार बसेको मन्त्रिपरिषद् बैठकमा गृहमन्त्री श्रेष्ठले शनिबार यता आएको बाढीपहिरोबाट १० जनाको मृत्यु भएको र २६ जना बेपत्ता भएका जानकारी दिएका हुन् । शनिबार रातिदेखिको अविरल वर्षाका कारण संखुवासभा, ताप्लेजुङ र पाँचथर जिल्लामा बढी क्षति भएको छ ।

गृहमन्त्री श्रेष्ठका अनुसार बाढीपहिरोबाट ६ जना घाइते, २६ जना बेपत्ता र ५४ घर पूर्णरुपमा क्षति भएको बताए ।

गृहमन्त्री श्रेष्ठले विपद् पीडित उद्दार तथा राहत सम्बन्धी मापदण्ड २०७७ अनुसार मृतकको परिवारलाई २ लाख रुपैयाँ राहत दिने र एकै परिवारको एक भन्दा बढी सदस्यको मृत्यु भएमा प्रतिव्यक्ति थप एक लाख रुपैयाँ राहत दिने जानकारी दिए ।

घरबारविहीन परिवारलाई तत्काल गुजाराको लागि १५ देखि २० हजार रुपैयाँ दिने व्यवस्था पनि उक्त मापदण्डमा छ ।

प्रकाशित मिति: मंगलबार, असार ५, २०८० १३:५८

प्रतिक्रिया दिनुहोस्