नेपालगञ्जमा इदको रौनक, इदगाहामा सामुहिक नमाज (फोटोफिचर)

समाचार

गृहपृष्ठ
समाचार
नेपालगञ्जमा इदको रौनक, इदगाहामा सामुहिक नमाज (फोटोफिचर)

नेपालगञ्जमा इदको रौनक, इदगाहामा सामुहिक नमाज (फोटोफिचर)

इदगाहमा नअटेपछि सडकमै बसेर समेत नमाज पढियो

बिहीबार, असार १४, २०८० बागेश्वरी पोस्ट

नेपालगञ्ज । इस्लाम धर्मावलम्बीको दोस्रो ठूलो चाड बकर इद (इदु उल अजहा) आज मुस्लिम बाहुल क्षेत्र नेपालगञ्जमा पनि धुमधामसंग मनाइँदैछ । इस्लाम धर्मावलम्बीले विहान नेपालगन्ज विपी चोकस्थित इदगाहमा सामूहिक नमाज पढेर आपसमा अंकमाल गरी शुभकामना आदानप्रदान गरेका छन् । इदगाहमा नअटेपछि सडकमै बसेर समेत नमाज पढिएको छ । अन्य समुदायका व्यक्तिहरुले पनि इदगाह पुगेर शुभकामना साटासाट गरेका छन् । पूर्व मन्त्री मो. इस्तियाक राई, नेपालगञ्ज उपमहानगरपालिकाका नगर प्रमुख प्रशान्त विष्ट, उपप्रमुख कमरुद्दिन राई लगायत इदगाहस्थल पुगेका थिए । नगरका अन्य मस्जिदमा पनि नमाज पढिएको छ ।

बकर इद पर्व रमजान अर्थात् इदुलफित्र पछिको दोस्रो ठूलो चाड हो । रमजान पर्वको ७०औँ दिनमा मनाउने यो पर्वमा आर्थिकरूपमा सबल मानिस हज गर्न साउदी अरबको मक्का मदिना जाने गर्छन् । यस पर्वमा अल्लालाई खुसी पार्न मुसलमानले धर्मले जायज मानेका जनावरलाई कुर्बानी (बली) दिने गर्दछन् । धार्मिक मान्यता अनुसार अल्लाका नवी (दूत) इब्राहिम अलि सलामले ९० वर्षको उमेरमा पत्नी हाजराबाट प्राप्त गरेको सन्तान छोरा इस्माईललाई कुर्बानी गर्नुपर्ने आदेशलाई पालना गर्दा अल्लाह प्रशन्न भएर इस्माईलको कुर्बानी नभएर स्वर्ग (जनन्त) मा पालिएका दुम्बाको कुर्बानी भएको धार्मिक मान्यतालाई अहिलेसम्म कुर्बानी गर्ने प्रचलनलाई कायम राखेको पाइएको छ ।

निसन्तान इब्राहिमले सन्तान प्राप्तिका लागि अल्लासँग मनन्नत मागेका थिए र भनेका थिए यदि अल्लाहले मलाई सन्तानको सुख दियो भने म कुर्बानी गर्छु । सोहीअनुरुप अल्लाहले निजको परीक्षणस्वरुप सपनामा कुर्बानी गर्नु पर्छभन्दा उनले धेरै जनावर कुर्बानी त गरे तर अल्लााह खुशी भएको थिएन । अन्तिममा उनले आफ्ना सबैभन्दा प्यारा छोरालाई नै कुर्बानी गरी अल्लाहलाई राजी गर्न चाहेका थिए । यस घडीमा उहाँको परीक्षण सफल सावित भएपछि कुर्बानी गर्ने स्थानमा मानिसको होइन त्यही जन्नतमा पालिएर आएका दुम्बाको कुर्बान (बली) भएको थियो । कुर्बानीको मासु तीन भागमा बाँडी वितरण गरिन्छ । एक भाग गरिब एवं विपन्न परिवारलाई एक आफ्ना आफ्ना इष्टमित्रलाई र अर्को भाग आफू खानुपर्ने धार्मिक मान्यता छ ।

फोटोफिचर

No description available.