अर्घाखाँचीमा पहिरो जाँदा एकै घरका तीन बालबालिकाको मृत्यु

समाचार

गृहपृष्ठ
समाचार
अर्घाखाँचीमा पहिरो जाँदा एकै घरका तीन बालबालिकाको मृत्यु

अर्घाखाँचीमा पहिरो जाँदा एकै घरका तीन बालबालिकाको मृत्यु

मंगलबार, असार १९, २०८० बागेश्वरी पोस्ट

नेपालगञ्ज । अर्घाखाँचीको पाणिनी गाउँपालिकामा पहिरोले घर पुरिँदा एकै घरका तीन जना बालबालिकाको ज्यान गएको छ । एक जना घाइते भएका छन् ।

बिहान ५ बजेतिर खसेको पहिरोले पाणिनी गाउँपालिका १ गोवनपानीका गंगा रास्कोटीको घर पुरिँदा उहाँका तीन जना नातिनातिनाको ज्यान गएको हो ।

पाणिनी गाउँपालिकाका अध्यक्ष टेकराज न्यौपानेका अनुसार पहिरोमा परेर १० वर्षका धनबहादुर रास्कोटी, १२ वर्षका खुमबहादुर रास्कोटी र ११ वर्षकी मञ्जु रास्कोटीको ज्यान गएको हो । ज्यान गुमाएका बालबालिका दाजुभाइका छोराछोरी भएका उनले बताए ।

पहिरोमा पुरिएका अर्का १४ वर्षका बालक सचिन रास्कोटी घाइते भएका छन् । उनको उद्धार गरी उपचारका लागि अस्पताल लगिएको छ । सुतिरहेका बेला उनीहरु पहिरोमा परेका हुन् । घरका अन्य सदस्य भने उठेर गोठको काम गर्न थालेकाले जोगिएका न्यौपानेले बताए ।

प्रकाशित मिति: मंगलबार, असार १९, २०८० १२:४१

प्रतिक्रिया दिनुहोस्