घर भत्किँदा पुरिएर ३० वर्षीया महिलाको मृत्यु

समाचार

शनिबार, असार २३, २०८० बागेश्वरी पोस्ट

नेपालगन्ज । डोटीको दिपायल सिलगढी नगरपालिका वडा नम्बर ५ गैरामा घर भत्किँदा एक जना महिलाको मृत्यु भएको छ ।

गएराति एक तले घरमा सुतिरहेकी ३० वर्षीया गंगा मालासीको घर भत्किँदा च्यापिएर मृत्यु भएको जिल्ला प्रहरी कार्यालय डोटीले जनाएको छ ।

घर भत्किएको खबर पाए लगत्तै उद्दारका लागि गएको प्रहरी टोलीले अथक प्रयास गरेपनि गंगालाई बचाउन सकेन ।

प्रहरीले उनको शवलाई आज बिहान मात्र निकाल्न सफल भएको जिल्ला प्रहरी डोटीले जानकारी दिएको छ ।

प्रकाशित मिति: शनिबार, असार २३, २०८० १२:१३

प्रतिक्रिया दिनुहोस्