मनाङ एयर दुर्घटना अपडेट: पाइलटको पनि मृत्यु

समाचार

गृहपृष्ठ
समाचार
मनाङ एयर दुर्घटना अपडेट: पाइलटको पनि मृत्यु

मनाङ एयर दुर्घटना अपडेट: पाइलटको पनि मृत्यु

मंगलबार, असार २६, २०८० बागेश्वरी पोस्ट

काठमाडौं । आज बिहान सोलुखुम्बुबाट काठमाडौं उडेको मनाङ एयर हेलिकप्टर दुर्घटनामा ६ जनाकै मृत्यु भएको छ ।

आज बिहान पाइलट चेतबहादुर गुरुङले सोलुखुम्बुबाट मेक्सिकन नागरिकहरु लिएर काठमाडौं उडेको एनए-एमभी कलसाइनको मनाङ एयरको हेलिकप्टर दुर्घटनामा सबैको मृत्यु भएको जिल्ला प्रहरी कार्यालय सोलुखुम्बुले जनाएको छ ।

आज बिहान १० बजेर १ मिनेटमा सम्पर्कविहिन बनेको उक्त जहाज लिखुपिके -१ लाम्जुरापास क्षेत्रमा दुर्घटना भएको हो ।

हेलिकप्टर रुखमा ठोक्किएर दुर्घटना भएको देखिन्छ । शव टुक्राटुक्रा अवस्थामा छन्, शवहरु जलेको हुँदा पहिचान गर्नै मुस्किल भएको प्रहरीले जनाएको छ ।

अहिले शवहरु संकलन गर्ने कार्य भइरहेको प्रहरीले बताएको छ ।

प्रकाशित मिति: मंगलबार, असार २६, २०८० १३:३३

प्रतिक्रिया दिनुहोस्