बालकको मृत्युपछि राप्ती स्वास्थ्य विज्ञान प्रतिष्ठान तनावग्रस्त

समाचार

गृहपृष्ठ
समाचार
बालकको मृत्युपछि राप्ती स्वास्थ्य विज्ञान प्रतिष्ठान तनावग्रस्त

बालकको मृत्युपछि राप्ती स्वास्थ्य विज्ञान प्रतिष्ठान तनावग्रस्त

शुक्रबार, असार २९, २०८० बागेश्वरी पोस्ट

दाङ । दाङको घोराहीस्थित राप्ती स्वास्थ्य विज्ञान प्रतिष्ठानमा लापरबाहीका कारण उपचार गराउन आएका एक बालकको मृत्यु भएपछि स्थिति तनावग्रस्त बनेको छ ।

बिहिवार उपचारका क्रममा घोराही उपमहानगरपालिका-३ का १० वर्षीय बालक आक्रोश नेपालीको मृत्यु भएपछि आफन्तहरुको आन्दोलनले प्रतिष्ठान तनावग्रस्त बनेको छ ।

एमआरआई गर्ने क्रममा चिकित्सक र स्वास्थ्यकर्मीको लापरवाहीका कारण बालकको ज्यान गएको आफन्तले दाबी गर्दै दोषीलाई कारबाही र परिवारलाई क्षतिपूर्तिको माग गर्दै आफन्तले प्रतिष्ठानका उपकुलपतिको कार्यालय र अस्पताल परिसरमा विरोध प्रदर्शन गरेका छन् ।

यता राप्ती स्वास्थ्य विज्ञान प्रतिष्ठानका फिजिसियन डा. रमेश कँडेलले भवितब्य घटना भएको बताए । कुनै पनि बिरामीलाई निको पारेर घर पठाउने जिम्मेवारी आफूहरूको भए पनि कहिलेकाहीं यस्ता घटना हुने गरेकोमा आफू दुःखी भएको उनले प्रतिक्रिया दिए ।

प्रतिष्ठान नै तनावग्रस्त बनेपछि अस्पताल प्रशासन र पीडित पक्षबीच छलफल भइरहेको छ ।

प्रकाशित मिति: शुक्रबार, असार २९, २०८० १३:१५

प्रतिक्रिया दिनुहोस्