४१ औं वीपी स्मृति दिवसमा नेपालगन्जको कान्तीतालमा वृक्षारोपण

राजनीति

गृहपृष्ठ
राजनीति
४१ औं वीपी स्मृति दिवसमा नेपालगन्जको कान्तीतालमा वृक्षारोपण

४१ औं वीपी स्मृति दिवसमा नेपालगन्जको कान्तीतालमा वृक्षारोपण

शनिबार, साउन ६, २०८० बागेश्वरी पोस्ट

नेपालगन्ज । ४१ औं वीपी स्मृती दिवसका अबसरमा नेपालगन्जमा बृक्षारोपण गरिएको छ ।

नेपाली कांग्रेस नेपालगन्ज नगर कार्यसमितिको आयोजनामा नेपाली कांग्रेस बाँकेका सभापति नारायण प्रसाद गौडेलको प्रमुख आतिथ्यता र कार्यबाहक सभापति धनराज बर्माको अध्यक्षतामा आज नेपालगन्जको कान्तीतालमा बृक्षारोपण गरिएको हो ।

बृक्षारोपण कार्यक्रममा बोल्दै पार्टी सभापति गौडेलले विपीले देखाएका मार्गदर्शनलाई आत्मसाथ गर्नुपर्ने बताए । साथै सभापति गौडेलले पार्टीलाई सशक्त गराउन कार्यकर्तालाई एक भएर लाग्नुपर्ने बताए ।

बाँके कांग्रेसका उपसभापति गोपाल अधिकारी, सचिव सुधांशु कोइराला , कोषाध्यक्ष यज्ञबहादुर बस्नेत, कांग्रेस नेता राजकुमार बर्मा लगायत नेता कार्यकर्ताको उपस्थिति रहेको वृक्षारोपणमा उपसभापति बर्माले पार्टीका नेता-कार्यकर्ताहरु एक ढिक्का भएर लाग्नुपर्ने बताएका थिए।

प्रकाशित मिति: शनिबार, साउन ६, २०८० १५:५६