वीपी स्मृति दिवसमा ज्यामिरे दह परिसरमा वृक्षारोपण

राजनीति

गृहपृष्ठ
राजनीति
वीपी स्मृति दिवसमा ज्यामिरे दह परिसरमा वृक्षारोपण

वीपी स्मृति दिवसमा ज्यामिरे दह परिसरमा वृक्षारोपण

शनिबार, साउन ६, २०८० बागेश्वरी पोस्ट

नेपालगन्ज । ४१औं वीपी स्मृति दिवसका अवसरमा आज दाङमा बृक्षारोपण गरिएको छ ।नेपाली कांग्रेस दाङ जिल्ला कार्यसमितिको आयोजनामा घोराहीस्थित ज्यामिरे दह परिसरमा वृक्षारोपण गरिएको हो ।

नेपाली कांग्रेस लुम्बिनी प्रदेशका सह-महामन्त्री खगराज पाण्डेको प्रमुख आतिथ्यतामा भएको वृक्षारोपण कार्यक्रममा बोल्दै पाण्डेले वीपीका विचारलाई आत्मसाथ गर्नुपर्ने बताए । नेता पाण्डेले पार्टीभित्रको गुट-उपगुटलाई अन्त्य गरेर पार्टीलाई सशक्त गराउन सबै नेता कार्यकर्ता लाग्नुपर्ने बताए ।

त्यस्तै निवर्तमान लुम्बिनी प्रदेश सभा सदस्य शंकर गिरीले वीपी विचार कांग्रेसको सम्पत्ति भएको भन्दै यसको संरक्षण र संबर्द्धन जरुरी रहेको बताए । उनले वीपीले देखाएको बाटोमा दृढ भएर हिंड्ने संकल्प कांग्रेसले गर्नुपर्ने बताए।

जिल्ला सभापति शंकर डाँगीको अध्यक्षतामा सम्पन्न वृक्षारोपण कार्यक्रममा पूर्व सभापतिहरु विरकेश्वरी गौतम, कृतिबहादुर खड्का, जिल्ला सचिव बालिका लम्साल लगायत नेता-कार्यकर्ताको उपस्थिति रहेको थियो ।

प्रकाशित मिति: शनिबार, साउन ६, २०८० १८:५४

प्रतिक्रिया दिनुहोस्