कोशी प्रदेशका मुख्यमन्त्री उद्धव थापा पदमुक्त

राजनीति

गृहपृष्ठ
राजनीति
कोशी प्रदेशका मुख्यमन्त्री उद्धव थापा पदमुक्त

कोशी प्रदेशका मुख्यमन्त्री उद्धव थापा पदमुक्त

बिहीबार, साउन ११, २०८० बागेश्वरी पोस्ट

काठमाडौं । कोशी सरकारका मुख्यमन्त्री उद्धव थापा पदमुक्त भएका छन् । सर्वोच्च अदालतले आज मुख्यमन्त्री थापाको नियुक्ति बदर गरेपछि उनी पदमुक्त भएका हुन् ।

कोशीका निवर्तमान मुख्यमन्त्री हिक्मतकुमार कार्कीले गत असार २१ गते थापाको नियुक्ति प्रक्रिया असंबैधानिक भएको भन्दै दायर गरेको रिटविरुद्ध सर्वोच्चका न्यायाधीश इश्वरप्रसाद खतिवडा, डा. आनन्दमोहन भट्टराई र तिलप्रसाद श्रेष्ठको इजलासले कोशीका सभामुख बाबुराम गौतमको समर्थनमा मुख्यमन्त्री थापाको नियुक्ति बदर गर्दै थापा पदमुक्त हुने आदेश दिएको हो ।

सर्वोच्चले सभामुख गौतमको समर्थन संविधान विपरीत रहेको उल्लेख गरेको छ । त्यस्तै सर्वोच्चले निवर्तमान मुख्यमन्त्री कार्कीको मुख्यमन्त्री नियुक्तिको परमादेश दिन अस्विकार गरेको छ ।

सर्वोच्चले अब कोशी प्रदेशमा सरकार गठन गर्न दुई वा सो भन्दा बढी दलको सरकार बनाउन सात दिनको समय तोकेको छ ।

प्रकाशित मिति: बिहीबार, साउन ११, २०८० १५:२८