बाँकेमा १३ हजार युनिट रगत संकलन

समाचार

गृहपृष्ठ
समाचार
बाँकेमा १३ हजार युनिट रगत संकलन

बाँकेमा १३ हजार युनिट रगत संकलन

शुक्रबार, साउन १२, २०८० बागेश्वरी पोस्ट

नेपालगन्ज । “सुलभ, गुणस्तरीय र मर्यादित सेवा, नेपालको रक्तसंचार सेवा” भन्ने मूल नाराका साथ ५८औं रक्तसंचार सेवा दिवस नेपालगंजमा मनाइएको छ । नेपाल रेडक्रस सोसाइटी प्रादेशिक रक्तसंचार केन्द्रद्वारा सेवा प्रवाह सम्बन्धि जानकारी तथा खुला रक्तदान कार्यक्रमको आयोजना गरी दिवस मनाइएको हो ।

आर्थिक वर्ष २०७९/८० मा १३ हजार ३ सय ७४ युनिट संकलन र १७ हजार ९ सय १५ युनिट रगत वितरण भएको छ । यसैगरी ४ हजार २८ युनिट रक्ततत्व निर्माण र १२४ पटक घुम्ती रक्तसंकलन शिविर संचालन भएको कुरा रक्तसंचार सेवाका बरिष्ठ प्राविधिक अधिकृत उपेन्द्र रेग्मीले जानकारी दिए ।

नेरेसो बाँके शाखाका सभापति गोवर्धनसिंह सम्झनाले नेपालगंज क्षेत्र मेडिकल हबको रुपमा विकास हुँदै गइरहेकोले दिन प्रति दिन रगतको माग बृद्धि भएको बताए । मानवीय कार्यमा सहयोग गर्ने स्वयंसेवी र संस्थागत रक्तदाताहरुलाई धन्यवाद व्यक्त गरे ।

नेपाल रेडक्रस सोसाइटी रक्तसंचार व्यवस्थापन समितिका संयोजक राजकुमार वर्माको अध्यक्षतामा सम्पन्न कार्यक्रममा मन्त्री अजीज अहमद सिद्दिकी, कोषाध्यक्ष राकेशबहादुुर श्रीवास्तव, सदस्य नरेन्द्रकुमार पौडेल, मीनबहादुर मल्ल, सरिता ज्ञवाली, जिल्ला र उपशाखा कार्यसमिति पदाधिकारी एवं सदस्य, शाखाका उपनिर्देशक दोलखबहादुर डाँगी लगायत कर्मचारीहरुको सहभागिता रहेको थियो भने कार्यक्रम संचालन जनसम्पर्क अधिकृत सरिता सिंहले गरेकी थिइन् ।

प्रकाशित मिति: शुक्रबार, साउन १२, २०८० १५:३८

प्रतिक्रिया दिनुहोस्