दाङमा ट्रक दुर्घटना, दुई युवती घाइते

समाचार

गृहपृष्ठ
समाचार
दाङमा ट्रक दुर्घटना, दुई युवती घाइते

दाङमा ट्रक दुर्घटना, दुई युवती घाइते

शनिबार, साउन १३, २०८० बागेश्वरी पोस्ट

फाइल फोटाे

दाङ । दाङको घोराही-लमही सडकखण्डको चौपट्टा नजिक ट्रक दुर्घटना हुँदा दुई जना घाइते भएका छन् ।

लमहीबाट घोराहीतर्फ जाँदै गरेको ना ४ ख ८४८७ नम्बरको ट्रक चौपट्टा नजिकको घोराही-३ भैंसी बगाउने खोला नजिकको उकालोमा टायर पन्चर भएर ब्रेक फेल हुँदा आज दिउँसो १२ बजे दुर्घटना हो । दुर्घटनामा ट्रकमा सवार दुई युवती घाइते भएको जिल्ला प्रहरी दाङले जनाएको छ ।

प्रहरीका अनुसार घाइते हुनेमा लमही-२ का १८ बर्षीय रबिना चौधरी र सोही स्थानका १६ वर्षीया करुणा चौधरी रहेका छन् ।

ब्रेक फेल भएर सडकबाट खोलामा खस्दै गरेको ट्रकबाट चालक र सह-चालक हाम फाले पनि ट्रकमा सवार दुई युवती भित्रै रहेकोले घाइते भएको प्रहरीले जानकारी दिएको छ ।

घाइते युवतीहरुको राप्ती स्वास्थ्य विज्ञान प्रतिष्ठानमा उपचार भइरहेको दाङ प्रहरीले जनाएको छ ।

प्रकाशित मिति: शनिबार, साउन १३, २०८० १७:००

प्रतिक्रिया दिनुहोस्