रोल्पामा बस दुर्घटना हुँदा ४ जनाको मृत्यु, १८ घाइते

समाचार

गृहपृष्ठ
समाचार
रोल्पामा बस दुर्घटना हुँदा ४ जनाको मृत्यु, १८ घाइते

रोल्पामा बस दुर्घटना हुँदा ४ जनाको मृत्यु, १८ घाइते

मंगलबार, साउन २३, २०८० बागेश्वरी पोस्ट

नेपालगन्ज । रोल्पामा बस दुर्घटना हुँदा ४ जनाको मृत्यु भएको छ । दुर्घटनामा १८ जना घाइते भएका छन् ।

आज रोल्पाबाट दाङको घोराही जाँदै गरेको ना ५ ख २६१२ नम्बरको बस दुर्घटना हुँदा ४ जनाको मृत्यु भएको रोल्पा प्रहरीले जनाएको छ । बस त्रिवेणी गाउँपालिका-७ तिला रिचि गाउँ भन्ने ठाउँमा दुर्घटना भएको थियो । सडकदेखि करिब १५० मिटर तल बस खसेको प्रहरीले जनाएको छ । बसमा बस स्टाफ बाहेक १९ जना यात्रु सवार थिए ।

रोल्पा प्रहरीका अनुसार दुर्घटनामा मृत्यु हुनेमा रोल्पा माडी गाउँपालिका-२ का २१ वर्षीय प्रकाश बाँठा, माडी गाउँपालिका-४ का ५० वर्षीय गोर्खे डाँगी र उनकी ५० वर्षीया श्रीमती हस्त डाँगी र परिवर्तन गाउँपालिका-३ का ४६ वर्षीय भक्तबहादुर विक हुन् ।

दुर्घटनाका घाइतेहरूलाई उपचारका लागि दाङ पठाइएको रोल्पा प्रहरीले जानकारी दिएको छ ।

प्रकाशित मिति: मंगलबार, साउन २३, २०८० १६:१५

प्रतिक्रिया दिनुहोस्