नेपालगन्ज उद्योग बाणिज्य संघमा विपक्षी समूहबाट उम्मेदवारी दिएका धर्मेन्द्र कांग्रेसबाट निष्काशित

राजनीति

गृहपृष्ठ
राजनीति
नेपालगन्ज उद्योग बाणिज्य संघमा विपक्षी समूहबाट उम्मेदवारी दिएका धर्मेन्द्र कांग्रेसबाट निष्काशित

नेपालगन्ज उद्योग बाणिज्य संघमा विपक्षी समूहबाट उम्मेदवारी दिएका धर्मेन्द्र कांग्रेसबाट निष्काशित

शुक्रबार, साउन २६, २०८० बागेश्वरी पोस्ट

नेपालगञ्ज । नेपाली कांग्रेस बाँकेले नेपालगञ्ज उद्योग वाणिज्य संघको निर्वाचनमा पार्टीका आधिकारिक उम्मेदवारविरुद्ध विपक्षी समूहमा उम्मेदवारी दिएका पार्टीका क्रियाशील सदस्य एवम् नेपालगन्ज-११ का पार्टी सचिव धर्मेन्द्र ठठेरलाई पार्टीबाट निष्काशन गरेको छ ।

ठठेरले विपक्षी समूहबाट उम्मेदवारी दिँदा पार्टीलाई क्षती हुने कार्य गरेको भन्दै पार्टीबाट निष्काशन गरिएको हो । अनुशासन समिति संयोजक टंकप्रसाद काफ्ले (आशिष) ले ठठेरले पार्टीको विधान २०१७ परिच्छेद ९ को धारा ३४ उपधारा ४ (क) र पार्टीको नियमावली २०७६ परिच्छेद १० को बुँदा नम्बर २९ को १ (क) र (ङ) का साथै नेपाली कांग्रेस बाँकेको प्रथम जिल्ला सम्मेलन २०७९ को प्रतिवेदन १२ को (च) बमोजिम ५ बर्षका लागि पार्टीबाट निष्कासन गरिएको बताए ।

नेपालगञ्ज उद्योग वाणिज्य संघको निर्वाचन यही भदौ २ गते नेपालगन्जमा हुँदैछ । निर्वाचनमा साझा प्रजातान्त्रिक प्यानलबाट ललित रौनियार नेतृत्वको टिम चुनावी मैदानमा होमिएको छ ।

प्रकाशित मिति: शुक्रबार, साउन २६, २०८० १६:४०

प्रतिक्रिया दिनुहोस्