लम्पी स्किन रोगको संक्रमण नियन्त्रण गर्न बाँके प्रशासनमार्फत प्रधानमन्त्रीलाई ज्ञापनपत्र

समाचार

गृहपृष्ठ
समाचार
लम्पी स्किन रोगको संक्रमण नियन्त्रण गर्न बाँके प्रशासनमार्फत प्रधानमन्त्रीलाई ज्ञापनपत्र

लम्पी स्किन रोगको संक्रमण नियन्त्रण गर्न बाँके प्रशासनमार्फत प्रधानमन्त्रीलाई ज्ञापनपत्र

मंगलबार, भदौ ५, २०८० बागेश्वरी पोस्ट

नेपालगञ्ज । बाँके लगायत देशैभरका पशुहरुमा फैलिएको लम्पी स्किन रोगको संक्रमणको रोकथाम तथा उपचारको व्यवस्था मिलाउन प्रधानमन्त्रीको ध्यानाकर्षण गराइएको छ ।

बाँकेका नागरिक समाजहरुको एक समूहले लम्पी स्किन रोगको उपचारको व्यवस्था तत्काल गर्न गराउन माग गरेको हो । सूचना र मानव अधिकार अनुसन्धान केन्द्रका अध्यक्ष अधिबक्ता विश्वजित तिवारीको नेतृत्वमा गएको एक टोलीले बाँकेका प्रमुख जिल्ला अधिकारी विपिन आचार्यमार्फत प्रधानमन्त्रीलाई ज्ञापनपत्र पठाएको हो ।

बाँके जिल्लामा हालसम्म करिब दश हजार बढी पशुमा लम्पी स्किन रोगको संक्रमण देखिएको छ भने करिब ४ दर्जन बढी पशुहरुको रोगले मृत्यु समेत भएको अवस्थामा पशुहरुमा तत्काल खोप तथा अन्य उपचारको व्यवस्था मिलाउन माग गरेको ज्ञापनपत्रमा उल्लेख छ । सङ्क्रमणका कारण दूधको उत्पादन घट्नु तथा पशु सङ्क्रमणबाट मुक्त भएपनि पहिलेकै अवस्थामा नफर्कनुले किसान मारमा परेका छन् ।

प्रकाशित मिति: मंगलबार, भदौ ५, २०८० १९:५२

प्रतिक्रिया दिनुहोस्