चुरियामाईमा तीर्थयात्री सवार बस दुर्घटना हुँदा ७ जनाको मृत्यु

समाचार

गृहपृष्ठ
समाचार
चुरियामाईमा तीर्थयात्री सवार बस दुर्घटना हुँदा ७ जनाको मृत्यु

चुरियामाईमा तीर्थयात्री सवार बस दुर्घटना हुँदा ७ जनाको मृत्यु

बिहीबार, भदौ ७, २०८० बागेश्वरी पोस्ट

बारा । बारामा तीर्थयात्री बोकेको बस दुर्घटना हुँदा ७ जनाको मृत्यु भएको छ ।

जीतपुरसिमरा उपमहानगरपालिका-२२ चुरियामाईमा काठमाडौंबाट महोत्तरीको लोहारपट्टी जाँदै गरेको मधेश प्रदेश-०३-००१ ख ७९९४ नम्बरको तीर्थयात्री बोकेको बस दुर्घटना हुँदा ७ जनाको मृत्यु भएको जिल्ला प्रहरी बाराले जनाएको छ ।

आज बिहान १ बजे दुर्घटना भएको बसमा सवार ६ भारतीय र १ जना नेपाली रहेको प्रहरीले जनाएको छ । मृत्यु हुनेमा ४ महिला र ३ पुरुष रहेका छन् ।

प्रहरीका अनुसार बस चुरियामाई मन्दिरबाट करिव १०० मिटर दक्षिणतर्फको खोलामा खसेको छ । बस दुर्घटनामा १९ जना घाइते भएका छन् ।

उनीहरूको हेटौंडाको चुरेहिल अस्पताल र हेटौंडा अस्पतालमा उपचार भइरहेको बारा प्रहरीले जानकारी दिएको छ । बस चालक भने दुर्घटनापछि फरार भएका छन् ।

प्रकाशित मिति: बिहीबार, भदौ ७, २०८० ०९:१५

प्रतिक्रिया दिनुहोस्