स्कार्पियोमाथि पहिरो खसेर मृत्यु हुने ३ जनाको सनाखत

समाचार

गृहपृष्ठ
समाचार
स्कार्पियोमाथि पहिरो खसेर मृत्यु हुने ३ जनाको सनाखत

स्कार्पियोमाथि पहिरो खसेर मृत्यु हुने ३ जनाको सनाखत

बुधबार, भदौ १३, २०८० बागेश्वरी पोस्ट

पाल्पा । पाल्पामा गुडिरहेको स्कार्पियोमाथि पहिरो खसेर मृत्यु भएका ३ जनाको सनाखत भएको छ ।

आज बिहान गुल्मीबाट बुटवलतर्फ आउँदै गरेको लु १ ज ४६०० नम्बरको स्कार्पियोमाथि पाल्पाको जोर्तेको उकालोमा गुडिरहेका बेला सुक्खा पहिरो खस्दा ३ जनाको मृत्यु भएको थियो ।

जिपमा सवारहरुमा मृत्यु हुने ३ जनामा गुल्मीको रेसुंगा नगरपालिका-७ की ५० वर्षीया मनकला चुँदारा, पोखरा महानगरपालिका-२५ का ३१ वर्षीय विनोद तिमिल्सेना, जिल्ला प्रहरी कार्यालय गुल्मीका प्रहरी सहायक हवल्दार यमबहादुर बोहोरा रहेको जिल्ला प्रहरी कार्यालय पाल्पाले जनाएको छ ।

उनीहरुको घटनास्थलमै मृत्यु भएको हो । गाडीमा सवारी ८ जना घाइतेहरुको पाल्पास्थित लुम्बिनी मेडिकल कलेजमा उपचार भइरहेको प्रहरीले जानकारी दिएको छ ।

प्रकाशित मिति: बुधबार, भदौ १३, २०८० ११:४४

प्रतिक्रिया दिनुहोस्