बर्दिया र कञ्चनपुरमा खोलाले बगाएर दुई जनाको मृत्यु

समाचार

गृहपृष्ठ
समाचार
बर्दिया र कञ्चनपुरमा खोलाले बगाएर दुई जनाको मृत्यु

बर्दिया र कञ्चनपुरमा खोलाले बगाएर दुई जनाको मृत्यु

शनिबार, भदौ १६, २०८० बागेश्वरी पोस्ट

काठमाडौं । बर्दिया र कञ्चनपुरमा खोलाले बगाउँदा २ जनाको मृत्यु भएको छ ।

बर्दियाको मधुबन नगरपालिका-२ स्थित खाता गाउँकी २६ वर्षीया रबिना चौधरीलाई औरही खोलाले बगाउँदा आज दिउँसो मृत्यु भएको बर्दिया प्रहरीले जनाएको छ । रबिनालाई राजापुरस्थित दमरा जाँदै गर्दा खोलाले बगाएको हो ।

त्यस्तै कञ्चनपुरको लालझाडी गाउँपालिका-५ देउवाटोलकी १० वर्षीया बालिका चन्द्रा चन्दको मछली खोलाले बगाउँदा आज बिहान मृत्यु भएको प्रहरीले जनाएको छ ।

चन्दलाई बाख्रा चराउन गएको बेला खोला तर्ने क्रममा खोलाले बगाउँदा मृत्यु भएको प्रहरीले जानकारी दिएको छ ।

प्रकाशित मिति: शनिबार, भदौ १६, २०८० २०:०३

प्रतिक्रिया दिनुहोस्