वृद्धको हत्या आरोपमा वृद्ध पक्राउ

समाचार

गृहपृष्ठ
समाचार
वृद्धको हत्या आरोपमा वृद्ध पक्राउ

वृद्धको हत्या आरोपमा वृद्ध पक्राउ

बिहीबार, भदौ २१, २०८० बागेश्वरी पोस्ट

नेपालगन्ज । ८३ वर्षीय वृद्धको हत्या आरोपमा ८३ वर्षीय वृद्ध पक्राउ परेका छन् । ओखलढुङ्गाको सुनकोशी गाउँपालिका-८ च्यानम माँझ गाउँका ८३ वर्षीय तिलकबहादुर कटुवाललाई हत्या आरोपमा पक्राउ गरेको प्रहरीले जनाएको छ ।

कटुवालले उनकै छिमेकी सोमबहादुर अधिकारीलाई सामान्य विवादमा गोठबाट दूध लिएर घर फर्कंदै गरेका अधिकारीलाई धकेल्दा लडेर घाइते भएका थिए । लडेर गम्भीर घाइते अधिकारीको उपचारका क्रममा अस्पताल मृत्यु भएपछि जिल्ला प्रहरी कार्यालय ओखलढुङ्गाले कटुवाललाई पक्राउ गरेको हो ।

उनीहरु दुबै जना एउटै गाउँमा एकै सालमा जन्मिएर ८३ औँ वर्ष सहकार्य गरेका छिमेकी दुई वृद्धबीच हिजो बिहान ८ः३० बजे सामान्य भनाभन भएको प्रहरीले जानकारी दिएको छ ।

हत्या आरोपमा पक्राउ परेका वृद्ध कटुवालसँग घटना बारेमा थप अनुसन्धान गरिरहेको प्रहरीले जनाएको छ ।

प्रकाशित मिति: बिहीबार, भदौ २१, २०८० ११:३०

प्रतिक्रिया दिनुहोस्