श्रोत नखुलेको २६ लाखसहित नेपालगञ्ज विमानस्थलबाट कर अधिकृत पक्राउ

समाचार

गृहपृष्ठ
समाचार
श्रोत नखुलेको २६ लाखसहित नेपालगञ्ज विमानस्थलबाट कर अधिकृत पक्राउ

श्रोत नखुलेको २६ लाखसहित नेपालगञ्ज विमानस्थलबाट कर अधिकृत पक्राउ

सोमबार, भदौ २५, २०८० बागेश्वरी पोस्ट

नेपालगञ्ज । नेपालगञ्ज विमानस्थलबाट श्रोत नखुलेको २६ लाख रुपैयाँसहित आन्तरिक राजस्व कार्यालयका एक जना कर्मचारी पक्राउ परेका छन् ।

आज बिहान नेपालगञ्ज विमानस्थलबाट पौने ९ बजेको श्री एयरको जहाजबाट काठमाडौं उड्न लागेका तुलसीपुर आन्तरिक राजश्ज कार्यालयका अधिकृत खगेन्द्र सापकोटालाई विमानस्थल सुरक्षा गार्डका प्रमुख प्रहरी नायब निरीक्षक रविन्द्र बमको टोलीले श्रोत नखुलेको २६ लाख रुपैयाँसहित पक्राउ गरेको हो ।

पक्राउ परेका अधिकृत सापकोटासँगै काठमाडौं यात्रा गरिरहेका अर्का दीपक पौडेल बोर्डिङ पास नलिएका कारण विमानस्थलबाट फरार भएका छन् । पौडेल पनि कर अधिकृत नै रहेको बताइएको छ । फरार पौडेलको खोजी कार्य तीब्र पारिएको छ ।

पक्राउ परेका सापकोटालाई विमानस्थलबाट जिल्ला प्रहरी कार्यालय लगिएकोमा त्यसपछि थप अनुसन्धानका लागि अख्तियार दुरूपयोग अनुसन्धान आयोगको कार्यालय नेपालगञ्जमा बुझाइएको जिल्ला प्रहरी प्रबक्ता एवम् प्रहरी नायब उपरीक्षक नारायण डाँगीले बताए ।

प्रकाशित मिति: सोमबार, भदौ २५, २०८० १०:४८

प्रतिक्रिया दिनुहोस्