अनिशा चन्दलाई व्युटिसियन मिस तीजको उपाधि

समाचार

गृहपृष्ठ
समाचार
अनिशा चन्दलाई व्युटिसियन मिस तीजको उपाधि

अनिशा चन्दलाई व्युटिसियन मिस तीजको उपाधि

मंगलबार, भदौ २६, २०८० बागेश्वरी पोस्ट

नेपालगञ्ज । गुड न्यू आइटीसी समूहद्वारा आयोजित व्यूटिसियन मिस तीज २०८० को उपाधि अनिशा चन्दले प्राप्त गरेकी छिन् ।

नेपाली नारीहरुको महान पर्व हरितालिका तीजको अवसरमा नेपालगन्जमा गरिएको सौन्दर्य प्रतियोगिताको ग्राण्ड फिनालेमा फस्ट रनर अपका रुपमा रक्षा सुनार, सेकेन्ड रनर अप बन्दना खड्का भएका छन् । १९ व्यूटिसियन सहभागी मध्ये पब्लिक च्वाइस एवं उत्कृष्ट प्रस्तुतिका रुपमा अमृता रजगैयालाई चयन गरिएको थियो । न्यू लुक कम्पनी, न्यू पोखरा सुनचाँदी पसलको मुख्य प्रायोजन तथा प्लानेट बुटिकको सह–प्रायोजनमा सम्पन्न प्रतियोगितामा विभिन्न विधामा योगदान पु¥याउने विशिष्ट व्यक्तित्वलाई सम्मान गरिएको थियो । प्रतियोगिताको स्पोन्सरमा सिल्कन कम्पनी र लारी बेरी रहेका थिए ।

पत्रकारितामार्फत सौन्दर्यकला लगायत सामाजिक क्षेत्रमा योगदान पु¥याएवापत पत्रकारहरु शुक्रऋषि चौलागाई, कुरुणा शाह, सावित्री गीरी, शिक्षाविद डा. जनार्दन आचार्य, प्लाष्टिक सर्जन डा. विनोद कर्ण, समाजसेवी लक्ष्मी श्रेष्ठलाई सम्मान गरिएको थियो । सोही अवसरमा वरिष्ठ सौन्दर्यविद राधा कुँवर, सोनिया श्रेष्ठ, उर्मीला अग्रवाल लगायतलाई सम्मान गरिएको थियो ।

यस्तै छोटो समयमा सौन्दर्यकला व्यवसायमा ख्याती कमाउन सफल र लामो समयदेखि सौन्दर्यकला व्यवसायमा संलग्न यशोदा खत्री, शर्मिला खत्री, विश्वपतिसिंह थारु, निर्मला मल्ल, सुशिला टमट्टा, रेखा नेपाली, रमा शाही, टीका भट्टराई, रेनुका गौतम, सुनिता आरसी, लक्ष्मी चौधरी, लक्ष्मी सापकोटा, समिक्षा सिलवाल, अनुराधा चौधरी, शशिकला चौधरी, सीता चौधरी, रेजिना रावल, लक्ष्मी चौधरी, सोनम केसी, सुमित्रा पाण्डे, उषा न्यौपाने, अप्सरा खरेल लगायत ३० जना सौन्दयकर्मीलाई पनि सम्मान गरिएको थियो ।

प्रदेश सांसद मिना श्रेष्ठले सम्मान-पत्र प्रदान गर्दै कार्यक्रमले संस्कृति संरक्षणसँगै महिलालाई आत्मबल र आत्मनिर्भरतातर्फ डो¥याएको बताए । प्रतियोगितामा सहभागी व्यूटिसियनले क्याटवाक गर्नुका साथै तीजको डेसमा नृत्य प्रस्तुत गरेका थिए । आयोजक गुड न्यू आइटीसी सञ्चालिका गीता भण्डारीको सभा अध्यक्षतामा भएको कार्यक्रममा वरिष्ठ सौन्दर्यविद सीता पाठक, गायक जय देवकोटा, शैलजा शाह, केपी घिमिरे, शृंखला वस्नेत निर्णायकका रुपमा रहेका थिए ।

प्रकाशित मिति: मंगलबार, भदौ २६, २०८० १७:३६

प्रतिक्रिया दिनुहोस्