सुवास नेम्वाङको आज अन्त्येष्टि, देशभर सार्वजनिक बिदा

राजनीति

गृहपृष्ठ
राजनीति
सुवास नेम्वाङको आज अन्त्येष्टि, देशभर सार्वजनिक बिदा

सुवास नेम्वाङको आज अन्त्येष्टि, देशभर सार्वजनिक बिदा

बिहीबार, भदौ २८, २०८० बागेश्वरी पोस्ट

काठमाडौं । संविधानसभाका अध्यक्ष तथा एमाले संसदीय दलका उपनेता सुवासचन्द्र नेम्वाङको आज अन्त्येष्टि गरिँदैछ ।

नेम्वाङको लिम्बू र हिन्दु परम्परा अनुसार आज १२ बजे पशुपति आर्यघाटमा अन्त्येष्टि गरिन लागिएको हो ।

गत २६ गते बिहान साढे १ बजे हृदयाघातबाट निधन भएका नेम्वाङको पार्थिव शरीरलाई च्यासलस्थित एमाले पार्टी कार्यालयबाट मंगलबारदेखि राखिएको थियो । बुधबार दिउँसो पार्टी कार्यालयबाट नेम्वाङको पार्थीव शरीरलाई आफन्त, इष्टमित्र र परिवारका सदस्यबाट श्रद्धाञ्जली अर्पणका लागि निजी निवास लगिएको हो ।

नेम्वाङका दुवै छोरा विदेशमा रहेकाले आउन ढिलाई हुँदा नेम्वाङको दाहसंसकार आज मात्र गर्न लागिएको हो । उनका कान्छा छोरा मंगलबार राति र जेठा छोरा बुधबार दिउँसो आइपुगेका थिए ।

आजको उनको अन्त्येष्टिमा सरकारले आज देशभर सार्वजनिक बिदा दिएको छ ।

प्रकाशित मिति: बिहीबार, भदौ २८, २०८० ०८:५९

प्रतिक्रिया दिनुहोस्