सुवासचन्द्र नेम्वाङको राजकीय सम्मानका साथ अन्त्येष्टि

राजनीति

गृहपृष्ठ
राजनीति
सुवासचन्द्र नेम्वाङको राजकीय सम्मानका साथ अन्त्येष्टि

सुवासचन्द्र नेम्वाङको राजकीय सम्मानका साथ अन्त्येष्टि

बिहीबार, भदौ २८, २०८० बागेश्वरी पोस्ट

काठमाडौं । स्व. नेता सुवासचन्द्र नेम्वाङको पशुपति आर्यघाटमा राजकीय सम्मानका साथ अन्त्येष्टि गरिएको छ ।

आज दिउँसो नेपाली सेनाको टुकडीले नेम्वाङको पार्थिव शरीरलाई राष्ट्रिय सम्मानका साथ सलामी अर्पण गर्दै अन्त्येष्टि गरिएको हो ।

अन्त्येष्टि अघि परिवारका सदस्यहरुले अन्तिम श्रद्धाञ्जली अर्पण गरेपछि नेकपा एमालेका अध्यक्ष केपी शर्मा ओलीले पार्टीको झण्डा ओढाएका थिए । त्यसपछि प्रधानमन्त्री पुष्पकमल दाहाल प्रचण्डले राष्ट्रिय झण्डा ओढाएर अन्तिम श्रद्धाञ्जली व्यक्त गरेका थिए ।

त्यसपछि स्व. नेता नेम्वाङको पार्थिव शरीरमा उनका दुई छोराले मिङ्सो नेम्वाङ र सुहाङ नेम्वाङले दागबत्ती दिएका हुन् । दागबत्ती दिदै गर्दा नेपाली सेनाको टुकडीले शोक धुन बजाएको थियो ।

सोमबार राति साढे १ बजे हृदयघातबाट निधन भएका स्व. नेता नेम्वाङ संविधानसभाका अध्यक्ष, एमालेका उपाध्यक्ष एवं एमाले संसदीय दलक उपनेता समेत थिए ।

नेम्वाङका दुवै छोरा विदेशमा रहेकाले आउन ढिलाइ भएका कारण आज दिउँसो अन्त्येष्टि गरिएको हो । उनको शव यात्रामा हजारौं समर्थकहरु गएका थिए ।

आज नेम्वाङको अन्तिम संस्कारका दिन सरकारले देशभर शोक बिदा दिएको छ ।

प्रकाशित मिति: बिहीबार, भदौ २८, २०८० १३:२६

प्रतिक्रिया दिनुहोस्