गणेशमान चोकमा दिप प्रज्वलन

राजनीति

गृहपृष्ठ
राजनीति
गणेशमान चोकमा दिप प्रज्वलन

गणेशमान चोकमा दिप प्रज्वलन

मंगलबार, असोज २, २०८० बागेश्वरी पोस्ट

नेपालगञ्ज । गणेशमान सिंह फाउन्डेसनले सर्वोच्च नेता गणेशमान सिंहको २६औं स्मृति दिवसको अवसर पारेर नेपालगञ्ज गणेशमान चोकमा दिप प्रज्वलन गरेको छ ।

२६औं स्मृति दिवसको अवसरमा नेपालगञ्जको गणेशमान चोकमा आयोजना गरिएको दिप प्रज्वलन कार्यक्रममा राष्ट्रिय सभा सदस्य एवम् नेपाली कांग्रेस बाँकेका पूर्व सभापति युवराज शर्माले २०४६ सालको प्रथम जनआन्दोलनका सर्वोच्च कमाण्डर सिंह प्रजातन्त्र र समाजबादप्रति पूर्ण समर्पित रहेको बताए । पदको लालचा नराखेर पार्टी बनाउने कर्ममा लाग्नुपर्ने पाठ सिंहबाट सिक्नुपर्ने धारणा उनले व्यक्त गरे।

कार्यक्रममा लुम्विनी प्रदेशसभा सदस्य मिना सिद्दिकी, नेपाली कांग्रेस बाँकेका सहसचिव विनोद थारु, युवा नेता हुर्मत न्यौपाने, महिला संघकी केन्द्रिय सदस्य भारती जोशी, वडा नम्बर १० का कार्यवाहक सभापति कल्पना घिमिरे, वडा नम्वर ९ का सभापति अकबर शेष (गुड्डु) तथा नेपाली कांग्रेसका नेता तथा कार्यकर्ताहरुको उपस्थिति रहेको थियो । कार्यक्रमको सञ्चालन गणेशमान सिंह फाउन्डेसनका अध्यक्ष अनिल श्रेष्ठले गरेका थिए ।

No description available.