मानव अधिकार तथा शान्ति समाज बाँकेको २०औं साधारणसभा सम्पन्न

समाचार

गृहपृष्ठ
समाचार
मानव अधिकार तथा शान्ति समाज बाँकेको २०औं साधारणसभा सम्पन्न

मानव अधिकार तथा शान्ति समाज बाँकेको २०औं साधारणसभा सम्पन्न

शनिबार, असोज ६, २०८० बागेश्वरी पोस्ट

नेपालगञ्ज । मानव अधिकार तथा शान्ति समाज जिल्ला शाखाको २०औं साधारणसभा नेपालगञ्जमा सम्पन्न भएको छ । समाजका अध्यक्ष प्रेमकुमार शर्माको सभापतित्व एवम् केन्द्रिय सचिव निर्मल नेपालीको प्रमुख आतिथ्यतामा सम्पन्न कार्यक्रममा समाजका कार्यसमिति सदस्य यशोदा नेपालीले स्वागत मन्तब्य व्यक्त गरिन् ।

मानव अधिकार तथा शान्ति समाजका केन्द्रिय सचिव तथा प्रमुख अतिथि नेपालीले साधारणसभाको उद्घाटन गर्दै भने, “हामीले कसैसंग चन्दा मागेर कार्यक्रमहरु गर्दैनौं, स्वयं समाजका साधारण सदस्य र आजीवन सदस्य र शुभचिन्तकबाट संकलन गरेको पैसाबाट राष्ट्रव्यापी कार्यक्रमहरु चलाइरहेका छौं । भष्टाचार, मानव तस्कर लगायतका बिरोधका कार्यक्रम, आन्दोलनहरु हामी गोला बरुद, बन्दूकबाट गर्दैनौं, हामी बुलन्द आवाजबाट बिरोधका कार्यक्रमहरु गर्ने गर्दछौं ।” मानव अधिकार तथा शान्ति समाज संयुक्त राष्ट्र संघको मानार्थ सदस्य समेत हो ।

कार्यक्रममा समाजका सभापति शर्माले सचिवको प्रगति प्रतिवेदन प्रस्तुत गरेका थिए भने सचिव घनश्याम बैश्यले १ लाख बढीको आर्थिक प्रतिवेदन प्रस्तुत गरेका थिए ।

साधारणसभामा प्रा. डा. जनार्दन आचार्य, समाजका केन्द्रिय सदस्य ज्योति बाल्मिकी, समाजका पूर्व सभापति तथा अधिवक्ता पवनकुमार गुप्ता, नेपालगञ्ज उद्योग वाणिज्य संघका प्रतिनिधि बिष्णु श्रेष्ठ, राष्ट्रिय मानव अधिकार आयोग लुम्बिनी प्रादेशिक कार्यालय प्रमुख द्वारिका अधिकारी लगायतले शुभकामना मन्तव्य व्यक्त गरेका थिए ।

त्यस अवसरमा समाजका दुई जना आजीवन सदस्य कृष्णबहादुर थापा र हेमचन्द्र श्रेष्ठलाई खादा ओढाएर सम्मान गरिएको थियो ।

प्रकाशित मिति: शनिबार, असोज ६, २०८० २०:४५

प्रतिक्रिया दिनुहोस्