कोशीमा मन्त्रिपरिषद् बिस्तार, दुई मन्त्री र दुई राज्यमन्त्री थपिए

राजनीति

गृहपृष्ठ
राजनीति
कोशीमा मन्त्रिपरिषद् बिस्तार, दुई मन्त्री र दुई राज्यमन्त्री थपिए

कोशीमा मन्त्रिपरिषद् बिस्तार, दुई मन्त्री र दुई राज्यमन्त्री थपिए

सोमबार, असोज ८, २०८० बागेश्वरी पोस्ट

विराटनगर । कोशी प्रदेश सरकारमा दुई मन्त्री र दुई राज्यमन्त्री थपिएका छन् । कोशीका मुख्यमन्त्री हिक्मत कार्कीले आज मन्त्रिपरिषद विस्तार गरेका हुन् ।

मुख्यमन्त्री कार्कीले लीलाबल्लभ अधिकारीलाई आन्तरिक मामिला तथा कानुन मन्त्री र बुद्धिकुमार राजभण्डारीलाई खानेपानी, सिँचाइ ऊर्जा मन्त्रीमा नियुक्त गरेका हुन् । त्यस्तै रामप्रसाद महतो उद्योग कृषि सहकारी राज्यमन्त्री र सिर्जना राई सामाजिक विकास राज्यमन्त्रीमा नियुक्त भएका छन् ।

यसअघि नै कोशी सरकारमा खानेपानी मन्त्री रहेका तिलकुमार मेन्याङ्बोलाई मुख्यमन्त्री कार्कीले स्वास्थ्य मन्त्रालयको जिम्मेवारी दिएका छन् भने पाँच कर्ण राईलाई पर्यटन, वन तथा वातावरण मन्त्रालयको जिम्मेवारी दिएका छन् ।

आजको मन्त्रीमण्डल विस्तारसँगै कोशीमा ९ सदस्यीय मन्त्रीमण्डल भएको छ ।

प्रकाशित मिति: सोमबार, असोज ८, २०८० १७:३४