लागूऔषध डिलर धोस्त पार्दै बाँके प्रहरी

समाचार

गृहपृष्ठ
समाचार
लागूऔषध डिलर धोस्त पार्दै बाँके प्रहरी

लागूऔषध डिलर धोस्त पार्दै बाँके प्रहरी

सोमबार, माघ २७, २०७६ बागेश्वरी पोस्ट

नेपालगन्ज । बाँके प्रहरीले पछिल्लो समयमा धामाधम लागू औषध कारोबारीलाई पक्राउ गर्दै गएको छ।अर्को अर्थमा बाँके प्रहरीले लागू औषध डिलर धोस्त पार्दै गएको छ।

जिल्ला प्रहरी कार्यालय बाँकेले चालु आर्थिक वर्षको माघ महिनासम्म १५९ लागु औषध कारोवारीलाई नियन्त्रणमा लिएको जनाएको छ ।जिल्ला प्रहरीका प्रमुख एसपी वीर बहादुर ओलीले १ सय ८ मुद्धामा ६ भारतीय नागरीकसहित १ सय ५९ जनालाई पक्राउ गरीएको जानकारी दिएका छन् ।

जसमध्ये ५ महिला र १ सय ४८ नेपाली नागरीक रहेका छन । चालु आवको हालसम्म ६०८ ग्राम ७४५ मिलिग्राम ब्राउनसुगर, ९९० ग्राम चरेश, ४ किलो अफिम, ४ किलो ७७५ ग्राम गाँजा, ३ सय एमएल कोरेक्स, २ हजार ६ सय १२ ट्याब्लेट नाईट्राजेपाम, २ सय १० पिस ट्रामाटस र २ सय ९५ पिस एम्पुल सहित १ सय ५९ जनालाई नियन्त्रणमा लिईएको प्रहरी उपरिक्षक वलीले जानकारी दिए । बाँके प्रहरीले आ.व ०७३/०७४ मा १३७ आगुऔषध मुद्धामा १ सय ८०, आव ०७४र०७५ मा १४५ मुद्धामा ३१० र आव ०७५/०७६ मा २४९ मुद्धामा ३७६ जना लागु औषध कारोवारी तथा प्रयोगकर्ता नियन्त्रणमा लिएको प्रहरीको तथ्याङ्कमा उल्लेख गरीएको छ।

दिदिभाई नै लागु औषध कारोवारी

बाँके प्रहरीले शनिबार ठूलो परिमाणको प्रतिबन्धित लागू औषध ब्राउन सुगर र प्रतिबन्धित ईन्जेक्सनसहित ३ जनालाई नियन्त्रणमा लिएको थियो । सीमावर्ती भारतीय शहर रुपैडिहाबाट नेपालगञ्ज आउदै गरेका भारतीय नागरिकबाट २ सय ग्राम र नेपाली नागरिकबाट १८ ग्राम ५ सय मिलिग्राम ब्राउन सुगर बरामद गरेको प्रहरीले जनाएको छ । ईलाका प्रहरी कार्यालय जमुनाह र लागू औषध नियन्त्रण व्यूरो शाखा कार्यालय नेपालगञ्जबाट खटेको संयुक्त टोलीले भे ९ प ६५२९ नंम्बरको स्कुटीको अगाडिको टायर कभरमा लुकाएर १८ ग्राम ५ सय मिलिग्राम ब्राउन सुगर लिएर नेपाल आउदै गरेको अवस्थामा कैलाली टिकापुर नगरपालिका वडा नं १ का विष्णु पुरी र शिवराज पुरी पक्राउ गरेको हो । पक्राउ पर्नेहरु नातामा दिदिभाई भएको प्रहरीले जनाएको छ ।

शनिबार बेलुका भारतको जिल्ला बहराईच थाना मोतिनगरका २५ बर्षिय अब्दुल रसिद नामका चाँद बाबुलाई २ सय ग्राम ब्राउन सुगर सहित प्रहरीले पक्राउ गरेको थियो । जमुनाहा प्रहरीले चेकजाँच गर्दा मोटरसाईकलको हेल्मेटमा ब्राउन सुगर फेला परेको थियो । यसैबीच आईतबार बिहानै बाँके प्रहरीले ठूलो परिमाणमा प्रतिबन्धित इन्जेक्सन सहित एक जनालाई नियन्त्रणमा लिएको छ । ईलाका प्रहरी कार्यालय जमुनाहका ईन्चार्ज माधव रिजालका अनुसार नेपालगञ्ज९२ घरबारीटोलका २२ बर्षिय नगेन्द्र रानालाई डाईजेपाम ९५, लोरी १ सय र ईमिमिग्रेन १ सय पिस ईन्जेक्सन सेरेलेक्स र सोनपापडि मिठाईको बट्टामा प्याकिङ्ग गरी ल्याउदै गरेको अवस्थमा नियन्त्रणमा लिईएको प्रहरीले जनाएको छ ।

तरवारसहित ३ जना पक्राउ

बाँके प्रहरीले माघ २५ गते शनिबार धारीलो हरीयार तरवार सहित नेपालगन्जबाट ३ जना युवालाई नियन्त्रणमा लिएको जनाएको छ । नेपालगन्ज उपमहानगरपालिका वडा नं। २ घरवारी टोल बस्ने बिशाल सुनारलाई कुटपिट गरी फरार भएका सोही ठाँउ निवासी सुवास शाही, सद्दाव अहमद, जिवन आर।सी। धारीलो हरीयार सहित पक्राउ परेका हुन। उनिहरुलाई अभद्र ब्यवहार कसुरमा अनुसन्धान भईरहेको प्रहरीले जनाएको छ ।

प्रकाशित मिति: सोमबार, माघ २७, २०७६ ०६:२७

प्रतिक्रिया दिनुहोस्