बझाङ केन्द्रविन्दु बनाएर ६.३ म्याग्निच्युडको भूकम्प गयो

समाचार

गृहपृष्ठ
समाचार
बझाङ केन्द्रविन्दु बनाएर ६.३ म्याग्निच्युडको भूकम्प गयो

बझाङ केन्द्रविन्दु बनाएर ६.३ म्याग्निच्युडको भूकम्प गयो

मंगलबार, असोज १६, २०८० बागेश्वरी पोस्ट

नेपालगञ्ज । बझाङमा भूकम्पको कडा धक्का महसुस गरिएको छ । आज दिउँसो ३ बजेर ६ मिनेटमा बझाङको चैनपुर आसपास केन्द्रविन्दु बनाएर ६.३ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

भूकम्पको धक्का सुदूरपश्चिमका सबै जिल्लामा महसुस गरिएको छ । बझाङ जिल्लाभरि विभिन्न ठाउँमा घरहरू चर्किएको जानकारी आए पनि क्षतिको यकिन विवरण भने आउन बाँकी छ । बाँकेमा पनि भूकम्पको धक्का महसुस गरिएको थियो ।

यसअघि आजै दिउँसो २ बजेर ४० मिनेट जाँदा बझाङकै तलकोट केन्द्रविन्दु भएर ५.३ म्याग्निच्युडको भूकम्प गएको थियो ।भूकम्पको धक्का छिमेकी प्रदेश र भारतको दिल्लीसम्म पनि महसुस भएको जनाइएको छ । बीबीसी हिन्दीका अनुसार दिल्ली एनसीआर क्षेत्रमा भूकम्पको धक्का महसुस भएको छ ।

प्रकाशित मिति: मंगलबार, असोज १६, २०८० १६:०२

प्रतिक्रिया दिनुहोस्