डुडुवाका बाढीपिडितहरुद्वारा स्थायी बसोबासको माग

समाचार

गृहपृष्ठ
समाचार
डुडुवाका बाढीपिडितहरुद्वारा स्थायी बसोबासको माग

डुडुवाका बाढीपिडितहरुद्वारा स्थायी बसोबासको माग

सोमबार, माघ २७, २०७६ बागेश्वरी पोस्ट

डुडुवा, बाँके । डुडुवा गाउँपालिकाका बाढीपिडितहरुले स्थायी बसोबासको उचित व्यवस्थापन गर्न माग गरेका छन । राप्ती नदी, डुडुवा र सुतिया नालाबाट प्रभावित भई विस्थापित भएर विगत १७ वर्षदेखि अस्थायी रुपमा झोरा सामुदायिक बन समुहको जग्गामा बस्दै आएका छन ।

सो बनमा विभिन्न स्थानबाट विस्थापित भएर बसेका पिडितहरुलाई अहिले हटाउन खोजिएपछि स्थायी रुपमा बसोबासका लागि नेपाल सरकारको ध्यानाकर्षण गराएका छन। पिडितहरुले प्रधानमन्त्री तथा मन्त्रीपरिषदको कार्यालय र प्रदेश ५ सरकार तथा मुख्यमन्त्रीलाई उचित स्थायी बसोबासका लागि मागपत्र पठाएका हुन । गाउँपालिका अध्यक्ष नरेन्द्रकुमार चौधरीले पिडितहरुको तर्फबाट बाँकेका प्रमुख जिल्ला अधिकारी कुमारबहादुर खडकालाई मागपत्र हस्तान्तरण गर्नुभयो । मागपत्र बुझदै प्रमुख जिल्ला अधिकारी खडकाले पिडितहरुको मागका बारेमा सम्बेदनशिल भएको र तत्काल माग सम्बोधनका लागि सम्बद्ध निकायहरुमा पठाउने बताउनुभयो ।

गाउँपालिकाको वार्ड नं १ र २ मा बसोबास गर्ने नागरिकको घर तथा जमिन राप्ती नदीको किनारमा भएकाले नेपाल भारत सिमा नजिक भारतले बनाएको लक्ष्मणपुर बाँधबाट राप्ती नदी र डुडुवा खोला सुतिया नालाको पानीको बहावले डुबान भई पिडितहरु विस्थापित भएका छन । विस्थापित भई १७ वर्षदेखि लामो समयदेखि बस्दै आएका पिडितहरुलाई अहिले हटाउन खोजिएपछि उनीहरु झन त्रासित हुदै चिन्तित बन्न पुगेका छन ।

आफनो साविकको घर जग्गामा बस्न नसकी आश्रयस्थलको खोजीमा रहेका बाढीपिडितहरु अहिले गाउँपालिकाको वार्ड नं १ र २ स्थित झोरा सामुदायिक वनको किनारमा अस्थायी घर टहरा बनाई बसोबास गरि जिवन गुजारा गर्दै आएका छन । उनीहरुले सुरक्षित बास स्थान, शुद्ध पिउनेपानी, विद्युत जस्ता मानविय जिवनमा न्युनतम र आधारभुत आवश्यकताको व्यवस्थापन गर्न माग गरेका छन । बाँकेका होलियाबासीहरु हरेक वर्ष नदीको कटान, डुबानबाट प्रभावित हुदै आएका छन ।

प्रकाशित मिति: सोमबार, माघ २७, २०७६ ०८:१३

प्रतिक्रिया दिनुहोस्