आज देशमा राष्ट्रिय शोक

समाचार

गृहपृष्ठ
समाचार
आज देशमा राष्ट्रिय शोक

आज देशमा राष्ट्रिय शोक

मंगलबार, असोज २३, २०८० बागेश्वरी पोस्ट

नेपालगन्ज । आज सरकारल राष्ट्रिय शोकको घोषणा गरेको छ । प्यालेष्टेनी अतिवादी समूह हमासको आक्रमणमा परी इजरायलमा रहेका १० जना नेपालीहरुको हत्या भएको शोकमा सरकारले आज राष्ट्रिय शोक घोषणा गरेको हो ।

राष्ट्रिय शोक भए पनि सार्वजनिक बिदा भने दिइएको हैन । यसबारेमा सञ्चार तथा सूचना प्रविधि मन्त्री एवं सरकारकी प्रवक्ता रेखा शर्माले स्पष्ट पारिसकेकी छिन् ।

जस अनुसार आज सबै सरकारी कार्यालयमा राष्ट्रिय झन्डा आधा झुकाइनेछ ।

हिजो आकस्मिक रुपमा बसेको विशेष मन्त्रिपरिषद बैठकले इजरेलमा मारिएकाहरुका पीडित परिवारलाई जनही १० लाख रुपैयाँ राहत दिने निर्णय पनि गरेको थियो ।

इजरायलमा गत शनिबार हमासले अचानक आक्रमण गरेपछि ‘पढ्ने पनि कमाउने पनि’ कार्यक्रममार्फत इजरेल पुगेका १० जना नेपालीको हत्या भएको थियो ।

सोही हत्याको शोकमा सरकारले आज राष्ट्रिय शोकको घोषणा गरेको हो । त्यसैगरी सरकारले इजरयलमा रहेका नेपालीहरुको उद्दारको पहल पनि थालेको छ ।

प्रकाशित मिति: मंगलबार, असोज २३, २०८० ०८:४४

प्रतिक्रिया दिनुहोस्