कांग्रेस नेता हमालले गरे आफ्नै निवासमा शुभकामना आदानप्रदान कार्यक्रम

राजनीति

गृहपृष्ठ
राजनीति
कांग्रेस नेता हमालले गरे आफ्नै निवासमा शुभकामना आदानप्रदान कार्यक्रम

कांग्रेस नेता हमालले गरे आफ्नै निवासमा शुभकामना आदानप्रदान कार्यक्रम

शनिबार, असोज २७, २०८० बागेश्वरी पोस्ट

नेपालगञ्ज । नेपाली कांग्रेसका नेता राजकुमार पोख्रेल हमाल (राजु हमाल) ले विजयादशमीका अवसरमा शुभकामना आदानप्रदान कार्यक्रम गरेका छन् । नेपालगञ्ज उपमहानगरपालिका वडा नम्बर १८ कारकाँदोस्थित आफ्नै निवासमा हमालले आज वडाका कांग्रेस नेता कार्यकर्ताहरुलाई आमन्त्रण गरेर शुभकामना आदानप्रदान कार्यक्रम गरेका हुन् । त्यस अवसरमा आपसमा परिचयसंगै शुभकामना साटासाट गरिएको थियो ।

केही बर्षदेखि नेपालगञ्जमै बस्दै आएका हमालले गृह जिल्ला दाङमा लामो समयदेखि राजनीति गर्दै आएका छन् । नेपाली कांग्रेसका पूर्व महाधिवेशन प्रतिनिधि, कांग्रेस दाङका पूर्व जिल्ला सदस्य हमाल दाङ जिल्ला खेलकुद विकास समितिको बर्तमान अध्यक्ष समेत हुन् । सामाजिक सेवामा पनि उत्तिकै क्रियाशील हमालले आयोजना गरेको कार्यक्रममा वडा नम्बर १८ का नेता कार्यकर्तासंगै क्षेत्र नम्बर २ का क्षेत्रीय सभापति रमेशकुमार गुप्ता, नेता राजकुमार बर्मा, राकेशबहादुर श्रीवास्तव, डम्बरबहादुर गोल्डस्मिथ लगायत उपस्थित थिए ।

"सबै साथीभाई, नेता, शुभचिन्तकहरुसंग चिनजान, माया र सद्भाव साटासाट गर्ने उद्देश्ययले दसैंको पूर्व सन्ध्यामा आफ्नै निवासमा शुभकामना आदानप्रदान कार्यक्रम राखेको हुँ, खासगरी मैले म बस्दै आएको वडाका साथीभाईलाई बोलाएको हुँ, सबैले हार्दिकतापूर्वक मेरो निम्तो स्विकार गरेर आइदिनुभएको छ, म खुसी छु," हमालले भने ।

No description available.