दशैंका लागि आजदेखि नयाँ नोट सटही सुरु

समाचार

गृहपृष्ठ
समाचार
दशैंका लागि आजदेखि नयाँ नोट सटही सुरु

दशैंका लागि आजदेखि नयाँ नोट सटही सुरु

सोमबार, असोज २९, २०८० बागेश्वरी पोस्ट

काठमाडौं । आजदेखि दशैंका लागि नयाँ नोट सटही सुरु भएको छ। नेपाल राष्ट्र बैंकले आजदेखि प्रति व्यक्ति १८ हजार ५ सय रुपैयाँका दरले नयाँ नोट साट्न पाइने जनाएको छ ।

राष्ट्र बैंकले काठमाडौं उपत्यकाभित्रको हकमा राष्ट्र बैंक अन्तर्गतको मुद्रा व्यवस्थापन विभाग र विभिन्न वाणिज्य बैंकका शाखामार्फत नयाँ नोट सटही गर्न सकिने जनाएको छ । वाणिज्य बैंकहरुले नयाँ नोट सटही सुविधा दिन राष्ट्र बैंकबाट त्यस्ता नोट लिनुपर्नेछ ।

काठमाडौँ उपत्यका बाहिरको हकमा राष्ट्र बैंकको प्रदेशस्थित कार्यालय वा वाणिज्य बैंकका शाखा कार्यालयमा गई नोट साट्न सकिने राष्ट्र बैंकले जनाएको छ । राष्ट्र बैंकले हरेक वर्ष चाडबाडमा नयाँ नोट सटहीको सुविधा दिँदै आएको छ ।

प्रकाशित मिति: सोमबार, असोज २९, २०८० ०८:१२

प्रतिक्रिया दिनुहोस्