कृषि अनुसन्धानलाई अझ सबल गराउनुपर्नेमा मन्त्री भुषालको जोड

समाचार

गृहपृष्ठ
समाचार
कृषि अनुसन्धानलाई अझ सबल गराउनुपर्नेमा मन्त्री भुषालको जोड

कृषि अनुसन्धानलाई अझ सबल गराउनुपर्नेमा मन्त्री भुषालको जोड

बिहीबार, कात्तिक २, २०८० बागेश्वरी पोस्ट

नेपालगञ्ज । कृषि तथा पशुपन्छी विकास मन्त्री डा. बेदुराम भुसालले कृषि अनुसन्धान निर्देशनालय खजुरामा आज एक समारोह बीच सम्बोधन गरेका छन् । नेपाल सरकार नेपाल कृषि अनुसन्धान परिषदका अध्यक्ष समेत रहेका मन्त्री भुसालले निर्देशनालयको अनुगमन, अवलोकन र अनुसन्धान क्षेत्रमा गरिरहेका गतिविधि र हासिल उपलब्धिका बारेमा जानकारी लिएका छन् ।

उनले समग्र कृषि अनुसन्धानको अन्तिम लक्ष्य कृषि विकास नै रहेकोले विभिन्न जिम्मेवारीमा रहेका अनुसन्धान कार्यालयले विभिन्न क्षेत्रमा काम गरेपनि कृषि अनुसन्धानलाई समग्रतामा हेरेर अझ सबल गराउनुपर्नेमा जोड दिए । उनले नार्कको पुनःसंरचना र यसको सबलीकरण गरिने समेत बताए ।

No description available.

मन्त्री भुषालले प्रदेश कृषि अनुसन्धान तथा समन्वय रणनीति छिट्टै तयार गर्न सबै प्रदेशका निर्देशकलाई निर्देशन दिँदै यसबारे थप छलफल गर्ने बताए । विकसित प्रविधिलाई किसानसम्म प्रसार गर्न व्यापक अभियान चलाउनु पर्ने उनको भनाई छ । बजेट र कर्मचारीको सिमितताका बाबजुद कृषि अनुसन्धानले गरेको उपलब्धि उल्लेखनीय रहेको उनले बताए ।

कार्यक्रममा निर्देशनालयका निर्देशक डा. समीद अहमदले निर्देशनालयका हाल सञ्चालित गतिविधि र उपलब्धिबारे प्रस्तुतिकरण गरेका थिए । कोसेबाली अनुसन्धान कार्यक्रमका संयोजक डा. राजेन्द्र दराईले कोसेबाली अनुसन्धानको गतिविधि र उपलब्धिबारे प्रस्तुतिकरण गरेका थिए । कार्यक्रमको सञ्चालन सूचना अधिकारी रविन गिरीले गरेका थिए ।

No description available.